Covid-19-vaksinering har starta opp i StadOnsdag 6. januar starta vaksineringa av bebuarar på Hogatunet bu- og behandlingssenter på Nordfjordeid. Dei er den første gruppa som har fått tilbod om vaksine i Stad kommune.Først ut av bebuarane var Sigmund Salveson. Ein blid, forventningsfull 101-åring som var letta og fornøgd med å ha fått den første dosen med vaksine. - Det er godt å komme i gang med vaksineringa, og vi gledar oss til ein tryggare kvardag igjen på sikt. I dag vil alle bebuarane som skal ha vaksina få fyrste dose, deretter blir det ei ny runde om 3 veker, seier Heidi Munch Starheim, einingsleiar ved Hogatunet bu- og behandlingssenter.Det er i løpet av dagen trekt opp 55 koronavaksine-doser i Stad. Neste veke vil det bli gjennomført vaksinering på Seljetunet omsorgs- og rehabliteringsenter. Deretter vil vaksineringa av andre i prioriterte grupper utanom bebuarar ved sjukeheimar/omsorgssenter i Stad kommune starte opp.Sigmund Salveson, bebuar på Hogatunet bu- og behandlingsenter. Leiar Heidi Munch Starheim (nr. 2 f.v) saman med sjukepleiarane som har tilrettelagt og gjennomført dagens vaksinering. Publisert06.01.2021 13.50 Sist endra06.01.2021 16.23
Sigmund Salveson, bebuar på Hogatunet bu- og behandlingsenter. 
Leiar Heidi Munch Starheim (nr. 2 f.v) saman med sjukepleiarane som har tilrettelagt og gjennomført dagens vaksinering.