Blant dei som har fått negativt svar etter testing torsdag er mellom anna alle elevar og tilsette som onsdag vart sett i karantene ved Kjølsdalen Montessoriskule etter at ein lærar ved skulen hadde fått påvist covid-19. Desse og alle andre nærkontaktar held likevel fram i karantene, og dei vil verte kalla inn til ny test mot slutten av karanteneperioden.

Fredag vert nærare 60 personar testa på Nordfjordeid. Blant desse er elevar og lærarar i klasse 7B ved Nordfjordeid skule som er vart sett i karantene torsdag etter at ein elev i klassen fekk påvist covid-19. Svar på desse prøvene er venta laurdag.