Kombinasjonen av den demografiske og økonomiske utviklinga vår, gjer at vi må tenke nytt rundt helse og omsorg. 

Utviklinga i samfunnet vårt fører til at det blir færre barn og unge, færre i yrkesaktiv alder og fleire eldre. Samtidig blir helsa vår stadig betre og forventa levealder aukar. Best helse finn vi blant dei med lang utdanning, god inntekt og som lever i parforhold. Vi veit at helsa er best i unge leveår. Helsa endrar seg gjennom livet og det er normalt å ha fleire helseproblem når ein vert eldre. Dette inneber at behovet for helsetenester vil auke, samtidig som tilgangen på arbeidskraft vil bli redusert.  

Figur: Viser Stad kommune si folketalsutvikling til 2050. Kjelde SSB Tabell 13600 (alternativ: MMMM)

Venta endring i utgiftsbehov ved endringar i folketalsutvikling (henta frå Budsjett 2023 - Handlingsprogram 2023-2026):  "Den største veksten i utgifter i  pleie og omsorg er venta frå 2025 og utover, når etterkrigskulla vert 80+. Det er venta ein nedgang i utgifter til barnehage og grunnskule då talet på born og unge går ned. Denne forventa endringa vil påverke kommunen sine inntekter. Velferdssamfunnet vårt er bygd på yrkesaktivitet, vi vil difor få ei stor utfordring i korleis vi definerer og løyser kommunen sine oppgåver i framtida. Fokus på innovasjon, samarbeid på tvers av tradisjonelle skilje, klima, miljø, digitalisering og robotisering blir sentrale tema framover. 

Utgifter til helsetenester retta mot enkeltbrukarar er sterkt veksande for heile landet, også for Stad kommune. Spesielt har vi sett dette innafor psykiatri og vernepleie. Desse to tenesteområda står for ein stor del av veksten i kommunen sine samla utgifter til tenesteyting dei siste åra. Sidan 2004 har staten sine utbetalingar til kommunane for ressurskrevjande tenester blitt meir enn tre-dobla. Kommunane sin eigendel i tenestene har fått same veksten."

Anslag årleg endring i Stad kommune sitt utgiftsbehov (i 1000 kr) som følge av folketalsendring - 2023-2032.png

Premisser for ei berekraftig samfunnsutvikling er at vi har ei høg grad av sysselsetting og god helse blant innbyggarane. Utfordringa for Stad kommune er låg tilgang på arbeidskraft og større behov og forventingar til helse og omsorgstenester enn kommunen kan innfri med tilgjengelege ressursar.  

Framover vil det vere viktig å dreie inn på helsefremmande og førebyggande arbeid for å betre helsa blant innbyggarane og arbeide samskapande for å ta alle ressursane i samfunnet i bruk. Illustrasjonen under, frå TINKR, viser kva som ligg i samskaping. 

Samskapingsstruktur - illustrasjon utarbeidd av TINKR

Prosjektgruppa har arbeidd med to figurar som vi ønsker tilbakemeldingar på.

Helse i alt vi gjer

Denne figuren skal vise kva faktorar som påverkar helsa til den enkelte.

Illustrasjonen under er eit utkast:

Helse i alt vi gjer - utkast 24.01.23.PNG

Helsetrappa i Stad

Denne figuren skal vise:

• korleis helsa til den enkelte og det tilhøyrande kommunale tenestetilbodet heng saman
• korleis innbyggaren sjølv og aktørar i lokalsamfunnet kan bidra til å fremme god helse

Illustrasjonen under er eit utkast:

Spørsmåla i undersøkinga er samla under, slik at de får høve til å sjå gjennom spørsmåla og diskutere desse fagleg i eininga/avdelinga før de svarar på undersøkinga gjennom Forms. 

Obligatoriske spørsmål som alle må svare på er merka med *, resten er valfrie å svare på.

Undersøkinga startar med innleiande spørsmål om kvar ein er plassert i kommuneorganisasjonen og om ein har gjennomført ein diskusjon for å sikre ulike faglege vinklingar før ein har svart.

• *Kva aktivitetar gjer vi i dag som bidrar til å fremme helse hjå innbyggarane i Stad kommune?
  • Skriv inn aktivitet (kan vere tilbod, tenester, møteplassar eller ivaretaking av helse i arbeidet som vi gjer), kven som er målgruppe for aktiviteten og kven de eventuelt arbeidar saman med for å gjere dette, og liknande. Legg også inn kva trinn i helsetrappa (sjå figur på heimesida) de meiner den høyrer heime på.
  • Formålet med spørsmålet er å samle inn informasjon frå einingane om det helsefremmande arbeidet som vert gjort innad i einingane og i samarbeid med andre for å løyse felles utfordringar knytt til helse.
• Har vi ein helsefremmande aktivitet i arbeidet vårt som kan vere til inspirasjon for andre?
  • Skriv litt om aktiviteten og kvifor den kan vere til inspirasjon for andre.
  • Formålet med spørsmålet er å fange opp gode døme på aktivitet som fremmar helse og gode måtar å arbiede på både internt og eksternt for å fremme helse.
• Korleis kan vi møte/løyse utfordringane i dag og framover?
  • Skriv inn eventuelle forslag - i prioritert rekkefølge. Det er gjort nærare greie for utfordringane knytt til helse på heimesida. 
• *Kven kan de ha nytte av å samarbeide tettare med for å fremme helse hjå innbyggarane? Kvifor?
  • Skriv inn både interne og eksterne aktørar. 

• *Figuren Helse i alt vi gjer er utarbeidd for å illustrere
  • faktorar som påverkar helsa til den enkelte 
    • Får figuren fram dette på ein god måte?
• Eventuelle innspel til forbetring eller endring av figuren Helse i alt vi gjer?
  • Grunngje gjerne kvifor den bør endrast.
• *Figuren Helsetrappa i Stad er utarbeidd for å illustrere
  • korleis helsa til den enkelte og det tilhøyrande kommunale tenestetilbodet heng saman
  • korleis innbyggaren sjølv og aktørar i lokalsamfunnet kan bidra til å fremme god helse 
    • Får figuren fram dette på ein god måte?
• Eventuelle innspel til forbetring eller endring av figuren Helsetrappa i Stad?
  • Grunngje gjerne kvifor den bør endrast.
• Det administrative arbeidet med kommunedelplan for helse og omsorg skal vere ferdig innan 2. mars 2022. 
  • Eventuelle innspel til tematikk eller prosess?