Søknad om forskottering av spelemidlar til anlegg for idrett, frilufsliv og fysisk aktivitet

Forskottering av spelemidlar til anlegg for idrett, friluftsliv og fysisk aktivitet

Søknadsfrist 20.august 2024

Stad kommune har vedteke å opprette eit eige fond på 5 millionar til ordninga "Forskottering av spelemidlar til anlegg for idrett, friluftsliv og fysisk aktivetet". Fondet skal nyttast til forskottering av spelemidlar til anlegg for idrett, friluftsliv og fysisk aktivitet, i påvente av at desse får løyvd spelemidlar frå fylkeskommunen. Ordninga skal gjere det mogleg for lag/organisasjonar å starte og fullføre sitt prosjekt/tiltak med ein gong søknaden er godkjent/formelt i orden av fylkeskommunen.

Denne ordninga blir evaluert kvart år og blir vurdert opp mot kommunestyret sitt årlege budsjettvedtak.

Behandling av søknadar:

Etter søknadsfristen er gått ut skal sakshandsamar vurderer alle søknadane. Det blir deretter politisk behandla. Det kan derfor ta noko tid før du får svar på søknaden.

Vilkår og krav

• Forskottering av spelemidlar krev godkjent spelemiddelsøknad av Vestland fylkeskommune. Det er berre dei som har ein godkjent (formelt i orden) søknad om spelemidlar som kan søke og få innvilga søknad om forskottering av spelemidlar.
• Godkjent søknad om forskottering får ut 75% av søknadsbeløp ved start og resterande 25% når prosjektet/tiltaket er ferdig og rekneskapen er godkjent av kommunerevisor. Sum forskottering per søknad skal ikkje overstige kr 1,0 million kroner.
• Det er grense på 1 søknad per organisasjon. Unntak: Anlegg som er gjensidig avhengig av kvarandre for å kunne fullførast, må sjåast på under eitt. Eks 1: Felles aktivitetsflate av gummidekke på fleire nærmiljøanlegg.
• Sum utbetalt forskottering skal tilbakebetalast med rente tilsvarande kommunen si innskotsrente i bank, pluss 0,5%. Dette blir utrekna gjennomsnittleg for forskotteringsperioden. Rentene skal betalast årleg etter årsavslutning.
• Alle som får innvilga forskottering, inngår ei eiga avtale med kommunen der dei pliktar å fornye søknaden kvart år fram til dei får tildeling av spelemidlar. Eventuelle andre forpliktingar frå begge partar vil inngå i avtalen.
• I dei tilfelle anlegget/prosjekt blir billigare enn budsjettert blir utbetaling justert tilsvarande.
• Stad kommune tar atterhald om rett til å inndra forskotterte midlar dersom anlegget ikkje gjennomførast etter angitt plan/spelemiddelsøknad.
• Dersom prosjektet mottar tilskot frå kommunen gjennom andre tilskotsordningar, vert det forskotterte beløpet for spelemidlar redusert tilsvarande.
• Prioritering av forskottering: Stad kommune prioritera etter kommunen si prioriteringsliste av spelemiddelsøknadane for det aktuelle søknadsåret. Ved eit eventuelt behov for å prioritere mellom nærmiljøanlegg og ordinære anlegg, vil  dette skje ut i frå ei skjøns-messig vurdering av søknadane.