Vaksinering covid-19 i StadInformasjon om koronavaksinasjonsprogrammet i Stad kommune. Publisert04.03.2021 18.40 Sist endra11.06.2021 16.55 Aktuelt Stad kommune vaksinerer no personar i prioriteringsgruppe 8. Dette er personar med alder 55-64 år (utan spesielle risikofaktorar). Det vert opna for at alle i denne gruppa kan bestille seg time. Her vil det vere «først til mølla». Nye ledige timar til vaksinasjon vert lagt ut måndagar kl. 10:00. Dette gjeld timar til vaksinasjon veka etter. Det er ingen ledige timar til vaksinasjon i veke 24. Ledige timar til vaksinasjon i veke 25 vert tilgjengeleg for bestilling måndag 14. juni kl. 10:00. Timebestilling Vi får et avgrensa tal vaksiner dei næraste vekene og mange vil oppleve å ikkje få time den næraste veka. Ein må då prøve igjen ei veke seinare. Ingen vil miste tilbodet om vaksine, og alle i den aktuelle prioriteringsgruppa vil kunne få seg time til vaksinasjon i løpet av nokre veker framover. Sjå oversikt over prioriteringsgruppene her: https://www.fhi.no/sv/vaksine/koronavaksinasjonsprogrammet/hvem-kan-fa-koronavaksine/#prioriteringsrekkefoelgen Vaksingeringsplan Generell informasjon om koronavaksinasjon På sida https://www.helsenorge.no/koronavirus/koronavaksine/ finn du god informasjon om mellom anna Kva vaksinar er godkjende i Norge Kven får koronavaksine først Gjennomføring av koronavaksinasjon Vaksinasjon av enkeltgrupper Beskyttelse og immunitet Biverknader Korleis bestille time til vaksinasjon? Nye ledige timar til vaksinasjon vert lagt ut for bestilling kvar måndag kl. 10:00. Dette gjeld timar til vaksinasjon veka etter. Innanfor dei gruppene som kan bestille seg time er det «først til mølla» når nye ledige timar vert lagt ut. Timebestilling gjer du på https://timebestilling.remin.no/stad Kva gruppe som no kan bestille seg time til vaksinasjon ser du øvst på sida. Vanlegvis får vi berre stadfesta talet på vaksiner 1-2 veker i førevegen, og det vil difor ikkje vere mogeleg å bestille seg time lenger fram i tid. Den første tida etter opning for ein ny aldersgruppe, vil det vere stor pågang for bestilling og du vil kunne oppleve at det ikkje er ledige timar tilgjengeleg. Du må då prøve igjen neste veke. Du beheld tilbodet om vaksine vidare framover, så sjansen vil ikkje gå frå deg om du ikkje har høve til vaksinasjon den næraste tida. Type vaksine og tid mellom første og andre dose Stad kommune nyttar for tida berre vaksinen frå Pfizer/BioNTech. Standard intervall mellom første og andre dose for denne vaksinen er no seks veker for personar i prioriteringsgruppe 1 til 7 (personar med høg risiko for alvorleg forløp ved covid-19). For personar som ikkje har spesielle risikofaktorar (prioriteringsgruppe 8 til 11), vil intervall mellom første og andre dose vere 9 veker. Personar som får behandling med medisinar som gir alvorleg svekking av immunsystemet som til dømes ved blodkreftsjukdom, immunsviktsjukdom, beinmergstransplanterte, organtransplanterte og liknande tilstandar bør, så langt det er mogeleg, vaksinerast med tre veker mellom dosane. Om du er i denne gruppa, ber vi deg om å gi beskjed ved påmelding/innkalling til vaksinasjon og ved oppmøte til første dose. Kan eg endre tidspunkt for andre dose? Tidspunkt for andre dose vert tildelt med standard doseintervall (sjå ovanfor) og kan som hovudregel ikkje endrast. Om du ser at tidspunkt for andre dose ikkje vil komme til å passe på grunn av planlagt ferie eller andre omsyn, ber vi deg vente med å bestille første dose slik at det vil passe betre med tidspunkt for andre dose. Vi vil kunne endre tidspunkt for andre dose om dette er naudsynt av omsyn til Akutt eller planlagt medisinsk behandling Karantene eller isolasjon Arbeidsreiser av lengre varigheit som vanskeleg kan endrast Ved behov for endra tidspunkt for andre dose, ta kontakt med koronavaksinetelefonen. Sjå informasjon lenger nede på sida. Kvar skjer vaksinasjonen? Selje legekontor, Kyrkjevegen, 6740 Selje Eid ungdomsskule, Skulevegen 75, 6770 Nordfjordeid Legg merke til kvar du skal møte, og møt presis. Pass på å halde god avstand til andre på veg inn og ut av lokalet. Transport til vaksinasjon Transport til vaksinasjon må ordnast av kvar enkelt. Transport til vaksinasjon kan ikkje bestillast frå Pasientreiser eller legekontora. TT-kort kan nyttast ved evt. bruk av drosje. I kva situasjonar kan eg ikkje møte til planlagt vaksinasjon? Du skal ikkje møte til vaksinasjon om du på vaksinasjonsdagen Har symptom på forkjøling, feber over 38 °C eller andre teikn på infeksjonssjukdom Er i karantene eller ventar svar på koronatest Er isolert grunna covid-19 Har gjennomgått covid-19-sjukdom for mindre enn 3 månader sidan (personar som har gjennomgått covid-19 treng berre éin vaksinedose, og denne skal gjevast tidlegast 3 månader etter at ein vart frisk) Har blitt vaksinert med annan vaksine i løpet av siste 7 dagar Er gravid utan å høyre til risikogruppe for alvorleg koronasjukdom Gje melding så raskt som mogleg til Selje Legekontor (Telefon 57 85 61 06) eller Eid legekontor (Telefon 57 86 30 20). Vaksinasjonen vil då bli utsett til du er frisk igjen. Førehandsreglar ved vaksinasjon Om du svarar ja på nokre av følgjande spørsmål, kan det vere behov for å ta førehandsreglar eller gjere ei individuell vurdering: Har du auka blødingstendens? Har du hatt allergisk reaksjon på denne vaksinen eller innhaldsstoffa tidlegare? Har du tidlegare hatt alvorleg (livstruande) allergisk reaksjon på andre vaksinar, mat, medisinar eller anna? Er du gravid og høyrer til risikogruppe for alvorleg koronasjukdom? Brukar du medisinar av typen betablokkar? Sjå meir informasjon ved å trykke på lenka nedanfor, og kontakt fastlegen din om du er usikker. Meir informasjon: https://www.fhi.no/contentassets/76e833e2ed2f4314ba7fabe0aba40b2e/vedlegg/nynorsk_egenerklaeringsskjema.pdf Kva kostar vaksinen? Sjølve vaksinen og vaksinasjonen er gratis. Kontakt oss ved spørsmål om koronavaksinasjon Send spørsmålet ditt på e-post til korona@stad.kommune.no Ring Stad kommune sin koronavaksinetelefon 94 81 87 30. Telefonen er open måndag, onsdag og torsdag kl 10-14. Om du har spørsmål om helsetilstanden din og kva dette kan bety med tanke på koronavaksinasjon, ber vi deg kontakte fastlegen din på vanleg måte. Meir informasjon Helsenorge.no sine sider om koronavaksinasjon: https://www.helsenorge.no/koronavirus/koronavaksine/ FHI sine sider om prioriteringsgrupper og forventa framdrift i koronavaksinasjonsprogrammet: https://www.fhi.no/sv/vaksine/koronavaksinasjonsprogrammet/hvem-kan-fa-koronavaksine/ Statistikk over sette vaksinedosar i ulike kommunar: https://www.fhi.no/sv/vaksine/koronavaksinasjonsprogrammet/koronavaksinasjonsstatistikk/#kommunerantall-vaksinerte