• På biblioteket kan ein låne bøker, tidsskrift, lydbøker, dvd, dataspel og kombidokument.
•  Ein finn skjønnlitteratur og faglitteratur om alle emne. I barneavdelingane kan ein til dømes finne peikebøker, lettleste bøker og teikneseriar. For vaksne har vi eiga samling med krimbøker, bøker på engelsk og lokalsamlingar med lokal litteratur. Biblioteket har eit variert utval av tidsskrift, allmennkulturelle og fagspesifikke. Vi har lokalaviser og regionaviser frå området. 
•  Lokalsamlinga på hovudbiblioteket vert brukt som grupperom og kan lånast til møte og liknande. På hovudbiblioteket har vi også stille lesesal med oppslagsverk innanfor alle fag og emne. Avdelinga i Selje har også grupperom som kan lånast.
• Det er gratis å låne. Lånarane kan få lånekort mot å vise legitimasjon. Dersom ein ynskjer det kan ein få nasjonalt lånekort. Barn frå fyrste til og med sjuande klasse får lånekort dersom dei har løyve frå foreldre/føresette. Lånetida er normalt 4 veker.

2500 Bibliotek - eitt lånekort!
DET NASJONALE LÅNEKORTET gjeld i 2500 norske bibliotek, inkludert Stad bibliotek!

e-bøker i eBokBib. Her finn ein også mange e-lydbøker.

Aviser på nett frå Pressreader.

Filmbib strømmeteneste med kort- og dokumentarfilm.

Filmoteket biblioteka si eiga filmteneste - spelefilmar

Biblioteksøk med høve for lånaren til å bestille lån frå bibliotek i heile landet.

Fleire av dei digitale tenestene krev nasjonalt lånekort og PIN-kode for innlogging.

Bøker og anna materiale som biblioteket ikkje har i samlinga, kan vi som regel låne inn frå andre bibliotek. Alle offentlege, og dei fleste private, bibliotek samarbeider om denne tenesta som er gratis for lånaren.

Både hovudbiblioteket og avdeling Selje har fast språkkafé ein gong i månaden. Språkkaféen er for alle som vil øve på norsk eller treffe nye folk

Vi har også med andre typar arrangement, til dømes forfattarbesøk, lesestunder, Kulturmøte og Sommarles

For meir informasjon, følg oss på våre Facebooksider:
Hovudbiblioteket
Avdeling Selje

Biblioteket har ulike store og små utstillingar i løpet av året, både eigne utstillingar og utstillingar laga av andre.

Stad kommune har to dagsturhytter, ei på Naustdalskamben på Eid, og ei på Risnakken i Selje. Desse dagsturhyttene er opne for alle og dei inneheld eit nynorsk turbibliotek med både barnebøker, bøker om turgåing, tradisjon og kultur. 
Dagsturhyttene er også tenkt brukt til ulike typar bibliotekarrangement.