Formålet med prosjektet er å løyse dei samansette og komplekse samfunnsutfordringane som kommune-Norge, og dermed også Stad kommune, står overfor.

Det vil vere trangare økonomi, auka forventningar frå innbyggjarane og utfordringar som må løysast på tvers av tenestene.

Hovudmålet med prosjektet er å skape ein samarbeids- og endringskultur slik at vi får samskapande innovasjon som ein etablert arbeidsmetode i lokalsamfunnsutviklinga. Dette vil ein gjere mellom anna ved å involvere innbyggjarane og andre aktørar i større grad enn det som er vanleg.

Illustrasjonen under syner sitater frå prosjektgruppa om samskaping.

Prosjektet er eit av tre delprosjekt som ligg under forskingsprosjektet «Den samskapande kommune».

I prosjektet «urbant landbruk» ønskjer Stad kommune å utforske potensialet av urbant landbruk, og korleis ein kan bruke det for å skape eit enda meir levande sentrum med mykje aktivitet.

Kva er urbant landbruk?

Urbant landbruk handlar om korleis ein kan bruke urbant areal til å dyrke mat. Ved urbant landbruk kan vi gi tilgang til dyrkingsareal og kunnskap om matdyrking til dei som ikkje har det elles. Urbant landbruk hjelper til med å danne arena der innbyggjarar møtast, kunnskapsutveksling, integrering og entreprenørskap. Vi kan skape grunnlag for at vi blir meir bevisste på forholdet mellom menneske og natur, og forståing for menneskeleg påverknad på naturen.

Døme på urbant landbruk:

• Andelslandbruk
• Dyrking på tak
• Kombinert landbasert fiskeoppdrett og grønnsakproduksjon
• Dyrking i høgda, t.d. i tomme industribygg eller birøkt
• Dyrking i parsellhagar
• Skolehagar
• Felleshagar

Om prosjektet

Saman med alle dei som har lyst til å bidra, skal vi utvikle prosjektet urbant landbruk. Måten vi skal jobbe på vil følgje prinsippet «Samskaping».  Kva prosjektet skal innehalde, og kva aktivitetar som skal gjennomførast, blir bestemt saman med alle dei som er interessert. I første omgang vil prosjektet bli gjennomført på Nordfjordeid. Utviding etter behov og interesse til andre delar av kommunen er tenkeleg.

Oppstart

I mai 2021 gjennomførte Stad kommune ei samling med ei lita prosjektgruppe. Den bestod av 8 ulike samfunnsaktørar. I samlinga blei det kartlagt kvifor Nordfjordeid treng urbant landbruk, og kva andre aktørar ein burde invitere inn i prosjektet.

I samling 2 blei det arbeida med problemstilling prosjektet skal løyse.

Kva er vegen vidare?

Prosjektgruppa møtast regelmessig for å spisse prosjektet, arbeide med problemstillingar, planlegge aktiviteter, kartlegge nye aktørar, gjennomføre tiltak - og saman vidareutvikle prosjektet i ønska retning!

Følg med på arbeidet i prosjektet!

Bli med!

Alle som har lyst til å bidra inn i prosjektet eller berre har lyst til å bli kjent med oss, er velkommen til neste møte. Send ein e-post til arild.vonheim@stad.kommune.no eller ring: 904 09 929

For å kunne delta i prosjektet treng du ikkje kunnskap, erfaring, utdanning osv.  Alt som trengs er at du er motivert til  å skape noko nytt i lag med andre!

Prosjektet skal ha fokus på behovet for attraktive, trygge, inkluderande og tilgjengelege møteplassar og arrangement for innbyggjarane i kommunen.

Stad2020-prosjektet «Eit meiningsfullt og aktivt liv» hadde fokus på ungdommar i Eid og Selje kommune, der ein gjennomførte ei kvantitativ undersøking. Denne undersøkinga gjev eit godt bilete av korleis ungdom i Nye Stad kommune:

• Oppgjev sitt aktivitetsnivå både fysisk og sosialt
• Kor nøgde dei er med kvaliteten på tilboda i kommunen
• Kva ynskjer og prioriteringar dei har for tenestene framover
• Kor god livskvalitet ungdomen oppgjev at dei har.

Undersøkinga fungerte godt, og ein har gjort statistiske undersøkingar for å kontrollere dataen. Vi kan no supplere dette med ferske resultat frå undersøkinga Ungdata.

Av hovedfunn vil vi trekkje fram:

• Det er eit gjennomgåande funn at dei som er meir aktive har høgare livskvalitet

I MAL-prosjektet skal vi arbeide vidare med dette temaet. I tillegg skal vi også fokusere på dei eldre innbyggjarane - korleis kan vi skape ny møteplassar og aktivitet?

Saman med ulike aktørar i samfunnet skal vi utvikle prosjektet. Måten vi skal jobbe på vil følgje prinsippet «samskaping». Kva prosjektet skal innehalde, og kva aktivitetar som skal gjennomførast, blir bestemt saman med alle dei som har lyst til å bidra inn i prosjektet.

I midten av mai var det ei samling der det blei kartlagt noko av det vi treng for å ha eit meiningsfullt og aktivt liv. Med utgangspunkt i dette, og resultata frå forprosjektet, skal vi i neste omgang utvikle idèar for hovudfokus i prosjektet.

Framover skal vi møtast regelmessig for å spisse prosjektet, arbeide med problemstillinga, planlegge aktiviteter, kartlegge aktørar og mykje meir.  

Blei du nysgjerrig på prosjektet? Bli med!

Alle som har lyst til å bidra inn i prosjektet eller berre har lyst til å bli kjent med oss, er velkommen til neste møte.

Send ein e-post til arild.vonheim@stad.kommune.no eller ring: 904 099 29

Prosjektet har ikkje starta opp enda. Meir informasjon kjem snart.