Presentasjonar frå møtet

Formålet med møtet var å informere om arbeidet som har vore gjort og utkast til planforslag, og gje naboar og andre interesserte høve til å stille spørsmål. 

Presentasjonane frå møtet kan du finne her:

• Bakgrunn for nytt reinseanlegg på Nordfjordeid​ v/Stad kommune (PDF, 3 MB)
• Status for planarbeidet og vidare prosess v/Stad kommune (PDF, 571 kB)
• Informasjon om utkast til planforslag​ v/Norconsult (PDF, 4 MB)

Det var mange frammøtte og fleire som kom med engasjerte innlegg og spørsmål i møtet. Mange av spørsmåla var knytt til val av lokalisering. For meir informasjon om val av lokalisering viser vi til kommunestyret sitt vedtak den 7. mars 2024, sjå denne saka.

Vidare prosess

Det vert no arbeidd med eit planforslag som skal leggast fram for førstegongs handsaming i Stad formannskap 12. juni. Planforslaget med vedlagte utgreiingar vil bli publisert ved utsending til politiske møte i juni.

Formannskapet skal ved førstegongs handsaming avgjere om forslaget skal sendast på høyring og leggast ut til offentleg ettersyn. I høyringsperioden vil det bli oppfordra til å sende inn skriftlege merknader.

Etter høyring og offentleg ettersyn i minst seks veker vil administrasjonen gå gjennom innkomne merknader og eventuelt justere planfroslaget, før det vert fram for andregongs handsaming i formannskapet. Til slutt er det Stad kommunestyre som skal ta stilling til om planen skal vedtakast.

Teknisk forprosjekt for reinseanlegget og detaljprosjektering av utfylling og bygg vil først skje etter planvedtak.