Forskning viser at å håndtere ADHD i parforholdet over mange år kan vere ei utfordring. Kurset er utvikla for å gje par kunnskap om kvifor det er slik, og kva som kan gjerast for å minimere dei negative effektane ADHD kan ha for parforholdet, og korleis par kan utnytte dei positive moglegheitene med ADHD. 

Tema og målsettingar

• Å gi kunnskap om kva ADHD er, og kva effektar ADHD kan ha på parforholdet. 
• Å gi kunnskap om kva som kjenneteiknar gode og varige parforhold. 
• Å styrke samholdet og kvardagskjærleiken.
• Å tilby verktøy som kan gjere det lettare å meistre negative følelser, irritasjonar, konflikt og forskjellar i personlegheit.
• Å gi innblikk i korleis ein kan ta i vare lyst og seksualitet i varige forhold. 
   

Kurset inneheld teori i plenum og praktiske øvingar skjer parvis i einerom. Det er ingen krav om at deltakarane delar noko privat i gruppa.

Kurset er livssynsnøytralt og byggjer i hovedsak på forskningsbasert kunnskap og systematiske tilbakemeldingar frå par og kursleiarar. 

Kursdagar 

Kurset går over 4 kveldar.  

• Tirsdag 25. august kl. 17:00 – 20:00 
• Tirsdag 8. september kl. 17:00 – 20:00 
• Tirsdag 22. september kl. 17:00 – 20:00 
• Tirsdag 6. oktober kl. 17:00 – 20:00 

Praktisk informasjon 

Kurset er gratis. Vi ønskjer at alle deltek på heile kurset. Sjekk at tidspunkta passer for deg og din partnar før de melder dykk på. 

Kurshalder; Trude Rød. Stad; Familiekontoret i Nordfjord 

For spørsmål og påmelding; 
Ta kontakt med oss familiekontoret.nordfjord@bufetat.no