Torsdag 15. januar er familie og vener av LA Selje, folkevalde, alle på kommunehuset - og alle andre som ønskjer å ta del - inviterte til ein hyggeleg opningsfest med snorklipping, talar, underhaldning og servering av nydeleg kake!

Det blir moglegheit for å kjøpe flotte produkt frå LA Selje sin nyopna butikk - og ferske bakevarer frå gjestebutikken, Vår sin butikk, som denne dagen også byr på kake i høve feiringa.

-Vi ønskjer og håper at dette skal bli ei flott feiring og markering for alle med ny arbeidsplass og aktivitetstilbod på huset. Vi gler oss til å følgje med på utviklinga av sambruket, og trur dette kan gje stor meirverdi både for enkeltpersonar og Stad kommune.
Ta gjerne turen innom og bli med på feiringa, oppmodar ordførar Judit Kvåle.

Tid: Torsdag 15. januar 2026, kl. 14.00–16.00
Stad: Kommunehuset i Selje, 1. etasje