Måndag 15. september ønska kommunalteknikk/eigedom i Stad kommune 4. klasse ved Nordfjordeid skule velkomen til reopning av klatreparken på Nordfjordeid.
Nær 40 skuleelevar var raskt og ivrig på plass i klatrestativa for å teste ut oppgraderinga!

Etter 10 års drift har det gamle nærmiljøanlegget fått tildelt nye spelemidlar som no er nytta til reperasjonar av dekke og utskifting av delar. Mellom anna er alt av tauverk nytt. Området vil også få ny og bedre belysning slik at klatreparken kan nyttast meir på kveldstid.

- Alt tyder på at dette var ei etterlengta og kjærkomen oppgradering, kunne leiar for eigedom i Stad kommune, Tore Nyhammer-Taklo, konstantere under opninga.

Leiar Tore Nyhammer-Taklo (t.h) og byggdriftar Endre Listhaug frå eigedomsavdelinga og leiande vaktmeister i Stad kommune Lars Einar Bjørneseth var godt nøgde med resultatet av oppgraderinga.