Det er søkt om mindre endring for å leggje til rette for flytebryggje sør i planområdet, på grunn  
av endra føresetnadar i høve tiltak mot forureining for MOWI sitt anlegg. Grunngjeving for ønske  
om å endre ein nyleg vedteken plan er føringar frå Meld. St. 24 (2024-2025) som kom våren 2025,  
og legg føringar for påverknad av akvakultur og nye forureiningreglar for havbruk som kom  
sommaren 2025.  

I medhald av Plan- og bygningslova § 12-14 og Reglement for delegering og innstilling i Stad 
kommune, datert 24.10.2019, kan kommunestyret delegere mynde til å vedta mindre endring av 
reguleringsplanar "når endringene i liten grad vil påvirke gjennomføringen av planen for øvrig, ikke 
går utover hovedrammene i planen, og heller ikke berører hensynet til viktige natur- og 
friluftsområder." (§ 12-14 i plan- og bygningslova) 

Kommunedirektøren gjorde med bakgrunn i dette følgjande vedtak: 

"I medhald av Plan- og bygningslova § 12-14 andre ledd vert mindre endring av detaljregulering for 
MOWI Rundereimstranda med planID 2024001 godkjend.  
Planendringa kjem ikkje i konflikt med viktig naturmangfald, jf. Naturmangfaldlova § 7. "

Dokumenta i saka finn du i kommunen sitt digitale planregister under fana “Behandlinger”.