Knut Djupedal gjev ut bok om utvandringa til USA.

Torsdag 10. april kl. 19:00 inviterer Stad bibliotek avdeling Selje og Knut Djupedal til boklansering! Djupedal har skrive boka «A Novel Sight: the Restauration Sails to America» som omhandlar overfarten til det vesle skipet Restauration i 1825, ei sjøreise som ofte blir sett på som starten på den norske utvandringa til oversjøiske land. 52 personar var ombord, og desse emigrantane har i ettertid fått namnet «sluppefolket», avleia av namnet på denne typen skip – sluppar. 

Boka tek føre seg den fyrste organiserte utvandringa frå Noreg til Amerika, herunder førebuingane i Noreg våren 1825, ferda over Atlanterhavet, ankomsten i New York City og skipet si vidare historie våren 1826. Den inneheld også ei liste over mannskap og passasjerar og andre tillegg om dette berømte fartøyet. Boka er utgjeven i anledning Crossing 200- jubileet, som markerer at det er 200 år sidan starten av den norske utvandringa til oversjøiske land. 

Knut Djupedal er tidlegare direktør ved Norsk Utvandrermuseum, no busett i Selje. Denne kvelden vil Djupedal fortelje og vise bilete og film knytt til boka. Boka er skriven på engelsk, og det vil bli mogleg å kjøpe boka i etterkant. Det blir enkel servering og arrangementet er ope for alle.