Her får du ei kort oversikt over nokre av sakene som skal behandlast i møtet. 

Informasjon om arbeid med budsjett 2027 og handlingsprogram 2027-2030

I vår vedtok Stad kommunestyre å starte arbeidet med Budsjett 2027 og handlingsprogram 2027–2030. Dette i tråd med kommunen sitt økonomireglement, som legg til grunn at økonomiplanlegginga skal skje gjennom heile året. For denne politiske møterunden vert det lagt fram ei sak som gjer nærare greie for det vidare arbeidet med handlingsprogram 2027–2030, samt ei eiga sak knytt til investeringar 2027–2030.

Pågåande prosjekt og planarbeid

I morgondagens møte står også fleire saker knytt til Stad skipstunnel på sakslista. Vidare vert resultat frå forstudie lokalisering av reinseanlegg Nordfjordeid lagt fram for å avklare eventuell vidare prosess. Sak om offentleg ettersyn av Kommunedelplan for naturmangfold 2026-2038 skal også handsamast, og i sak om kommuneplanen sin arealdel vert det orientert om føremålet med planarbeidet og vidare prosess.

Heile saklista kan du lese her. Du kan følgje den politiske behandlinga direkte i morgon frå kl. 09.00 på Kommune-TV.