Kommunalteknikk har siste tida jobba med å tilrettelegge ei mellombels løysning for distribusjon av forbruksvatn. Det betyr at anlegget med ventilhus og høgdebasseng no kan koplast frå, og rehabiliteringsarbeidet kan starte opp.

Det er entreprenøren Aurvoll og Furesund som har ansvar for både innvendig og utvendig rehabilitering av ventilhuset, og for innvendig overflatebehandling av høgdebassenget. Prosjektleiar i Stad kommune er Tor Gunnar Horne.

Prosjektarbeidet vil pågå ut året, med planlagt tilkobling av nytt anlegg 12. november 2025. Ferdigstilling av heile anlegget er sett til 15. desember 2025. 

Ventilhus og høgdebasseng på Vårsetra.

Anleggsområde og midlertidig løysning for distribusjon av vatn.