Det er i samråd med familien at Stad kommune melder at Sigurd Reksnes sovna stille inn fredag 31. januar.

Sigurd Reksnes (Sp) vart ordførar i Stad kommune i 2023. Han var også fylkestingsrepresentant i Vestland, og sentralstyremedlem i Senterpartiet. 

Han har tidlegare også vore styreleiar i Sogn og Fjordane Energi, og tidlegare fylkesleiar i Sogn og Fjordane Senterparti. Nyleg fekk han tildelt Senterpartiets Heidersmerke.

Sigurd Reksnes fekk påvist kreft i 2021, og har vore open om sin sjukdomssituasjon. Frå i haust hadde han midlertidig fritak frå ordførarvervet fordi han var under behandling.

Han etterlet seg ektefelle og to barn.

Våre tankar og medkjensle går til Sigurd sin familie og nære vener i sorga.  

Foto: privat/SP

Judith Kvåle 
Fungerande ordførar 
Stad kommune