Det går fram av plan- og bygningslova kapittel 10 at kommunestyret skal utarbeide og vedta ein kommunal planstrategi seinast eitt år etter at kommunestyret er konstituert. Stad kommunestyre har valt å utarbeide ein utviklingsplan som utgjer Stad kommune sin planstrategi for 2024–2028.
Framlegg til utviklingsplan vert no lagt ut på høyring for å sikre at alle får høve til å kome med innspel før endeleg vedtak. Frist for å gje innspel er 11. august 2024.
Framlegg til høyring_Utviklingsplan 2024-2028 (PDF, 667 kB)
Vedlegg:
Grunnlagsdokument utviklingsplan 2024-2028_ Vurdering planbehov_juni 2024 (PDF, 405 kB)
Grunnlagsdokument utviklingsplan 2024-2028_ Forventingar til kommunen si planlegging_mai 2024 (PDF, 578 kB)
Stad 2024 - Status og utviklingstrekk - kunnksapsgrunnlag mai 2024 (PDF, 2 MB)
Folkehelseoversikt 2024-2028_mai 2024 (PDF, 912 kB)
Plansystem i Stad kommune_mai 2024 (PDF, 718 kB)
Utviklingsplanen er ein arena for å drøfte utviklingstrekk i kommunen som samfunn og organisasjon, som grunnlag for å vurdere planbehovet i kommunestyreperioden.
Dei strategiske vegvala vert drøfta og presentert i denne utviklingsplanen, medan drøftinga av
planbehovet vert gjort i dokumentet «Grunnlagsdokument planstrategi 2024 – 2028 - Vurderingar av
planbehov». Sistenemnde dokument vil følgje utviklingsplanen som eit eige vedlegg.
Førande for Stad kommune si vurdering av planbehov i kommunestyreperioden vil elles vere FN sine
berekraftsmål, dei nasjonale forventningane til regional og kommunal planlegging, og Vestland
fylkeskommune sine regionale planar. Hovudtrekka i dei nasjonale og regionale føringane er
presentert i eit eige dokument som ligg vedlagt denne utviklingsplanen, omtalt som
«Grunnlagsdokument Utviklingsplan 2024 – 2028 Forventningar til kommunen si planlegging».
Om du har synspunkt på planforslaget, oppmodar vi deg om å sende ei skriftleg uttale slik at dine synspunkt kan bli vurdert før endeleg vedtak.
Kva ønsker vi innspel på?
Vi ønskjer tilbakemelding på utviklingstrekk, satsingsområde og planoversikt:
- Har vi klart å løfte fram dei viktigaste utfordringane og moglegheitene i kommunen?
- Er satingsområda riktige for å møte utfordringsbildet?
- Er dei nye overordna planane dei rette for ønska samfunnsutvikling?
- Anna innspel?
Vi set pris på at du les planforslaget og kunnskapsgrunnlaget og nyttar det som grunnlag for å kome med innspel.
Korleis gje innspel?
Du kan gje skriftleg innspel til planforslaget via:
Elektronisk innspelsskjema
- E-post: Merk med uttale til forslag til utviklingsplan 2024-2028, send til post@stad.kommune.no
- Brev: Merk med uttale til forslag til utviklingsplan 2024-2028, send til Stad kommune, Rådhusvegen 11, 6770 Nordfjordeid
Frist: 11. august 2024. Takk for at du bidrar med dine innspel!
Vidare behandling
Når fristen er ute, vil innkomne uttaler bli samanfatta og vurdert før planen vert lagt fram for endeleg behandling til sommaren.