Varsel om oppstart av regulering for detaljreguleringsplan Nygardsneset, gbnr. 215/6

I medhald av plan- og bygningslova §§ 12-1, 12-3 og 12-8 blir det varsla om igangsetjing av privat detaljregulering for eigedomen gbnr. 215/6 mfl. i Stad kommune. Stadt Maskin Eigedom AS er forslagsstillar og OSE AS er plankonsulent for planarbeidet.

planavgrensing

Lokalisering
Planområdet ligg på sørsida av Vanylvsfjorden, mellom Sandvikneset og Årsheimneset, inntil fv 620.


Mål med planarbeidet
Målsetjing med planen er å leggje til rette for:

  • Næringsutvikling, endre intern veg, planere terreng for større næringsareal
  • Flytte Stad betongproduksjon frå Leikanger
  • Utvide eksisterande kai, ta med eksisterande og nye flytebryggjer og mudre for betre tilflott
  • Utfylling i sjø for å få tilstrekkeleg djupne for ny kai
  • Vurdere ny tilkomst til næringsarealet
  • Trafikktrygging av avkøyrsle til fv 620
  • Avklare naturfare
     

Planområdet
Planområdet består av eigedomane gbnr. 214/2, 14, og 215/2, 6, og 9, og er på om lag 33 daa. Planområdet vart justert i oppstartsmøte med kommunen. Avgrensinga av planområdet kan bli endra før planen blir lagt ut til offentleg ettersyn.

Informasjon og medverknad
Det vil bli sendt varsel om oppstart til naboar og gjenbuarar, kunngjering i lokal avis og på nettet, i samsvar med pbl. § 12-8. For nærare informasjon ta kontakt med OSE, mob. 974 89 987 eller e-post plan@oseing.no. Reguleringsarbeidet blir vurdert til å gje små negative ulemper for naboar. Det blir difor ikkje lagt opp til medverknadsmøte i samband med oppstart av planarbeid. Tiltakshavar vil ha dialog med naboar. Det vil bli vurdert medverknadsmøte i samband med offentleg ettersyn.

Meir informasjon
Møtereferat frå oppstartsmøtet 09.02.2026, varslingsbrev, planinitiativ og forskjellege kart finn de på OSE sine heimesider under kunngjeringar.

Merknadar til oppstartsmeldinga
Merknadar som har verknad eller interesse for planarbeidet kan sendast:
OSE AS på e-post plan@oseing.no eller OSE AS Vikeøyrane 7, 6150 Ørsta. Frist for merknadar vert sett til 30.03.2026. Merk fråsegn med P2218.

Vidare sakshandsaming
Etter at meldingsfrista er ute vil plandokumenta bli utarbeidd for deretter å bli sendt kommunen for sakshandsaming. Etter handsaming i kommunen blir plandokumenta lagt ut til offentleg ettersyn. Det vil då bli høve til å kome med merknadar til planframlegget før vidare politisk handsaming og vedtak.

Publisert 27.02.2026 14.48
Sist endra 27.02.2026 14.53