Offentleg ettersyn 

Offentleg ettersyn skal sikre at offentlege organ, naboar, interesseorganisasjonar og andre får høve til å uttale seg om planforslaget før endeleg vedtak. 

Planforslaget 

Stortinget har vedteke at Stad skipstunnel skal byggast og i samband med detaljprosjekteringa er det avdekka behov for å endre reguleringsplanane knytt til Stad skipstunnel for å tilpasse planane i høve detaljprosjekteringa.  

Planrevisjonen for detaljregulering for Stad skipstunnel medfører endra planavgrensing. Planområde er utvida med totalt 153,7 daa for mellom anna å legge til rette for større sjøfyllingar nær portalområda. For meir informasjon, vert det vist til dokumentet Detaljregulering for Stad skipstunnel – Endring av reguleringsplan i medhald av Plan- og bygningslova § 12.14 første ledd - Høyring og offentleg ettersyn, der hovudtrekka av planendringa er oppsummerte.

Dersom de ønskjer ei utskrift av eitt eller fleire av dokumenta, kan de ta kontakt med Stad kommune på  tlf. 57 88 58 00. 

Innspel og merknader til planforslaget 

Du har høve til å kome med skriftleg uttale til planforslaget. Til dømes om arealbruk, omsyn eller andre relevante opplysningar. Uttale skal merkast med «26/8349», og kan sendast via skjema på kommunen sine heimesider, per sikker digital post eller post til Stad kommune, Rådshusvegen 11, 6770 Nordfjordeid. Referanse sak 26/8349.

Frist for å kome med uttale er sett til 11.09.2026. 

Vidare planprosess 

Når høyringsfristen er ute, vil kommunedirektøren samanfatte innkomne uttaler og vurdere desse før planforslaget vert lagt fram for sluttbehandling og vedtak. Berørte naboar og grunneigarar vil få tilsendt kunngjering etter vedtak.

Det vert informasjonsmøte i Selje den 2. september. 
Meir opplysningar om dette møte kjem seinare.