F - 24/170 Vedtak:

1. Stad formannskap legg forslag til detaljregulering for bustad Skårhaug ut til høyring og offentleg ettersyn, i samsvar med plan- og bygningslova §§ 12-10 og 12-11. 
2. Det vert teke atterhald om eventuelle endringar etter høyringsperioden som følgje av uttalar til planen eller avklaringar som vert gjort etter førstegongs handsaming.

Offentleg ettersyn

Offentleg ettersyn skal sikre at offentlege organ, naboar, interesseorganisasjonar og andre får høve til å uttale seg om planforslaget før endeleg vedtak.

Planforslaget

Forslag til plankart for detaljregulering for bustad Skårhaug (sjå teiknforklaring i originalfil på høyringssaka)

Formålet med detaljreguleringa er å legge til rette for ei bustadtomt med utleigedel og naudsynte funksjonar som uteområde, tilkomst og garasje. Forslaget er i samsvar med arealdelen til kommuneplan for Eid kommune 2015-2027, der området er avsett til bustadføremål. Kommuneplanføresegnene stiller krav om reguleringsplan. Planforslaget medfører omdisponering av dyrka mark klassifisert som fulldyrka areal på om lag 1,4 daa.

Alle plandokument, rapportar og vedlegg ligg tilgjengeleg her: 

Høyringssak 24/4808

Merknader til planforslaget

Skriftlege uttaler til planforslaget skal merkast med arkivsaksnr. "24/4808", og kan sendast via skjema på høyringssaka (lenke over), per sikker digital post eller post til Stad kommune, Rådhusvegen 11, 6770 Nordfjordeid.

Frist for å kome med uttale er sett til 26. januar 2025.