Kva inneber Miljøfyrtårn-sertifisering?

Miljøfyrtårn-sertifiseringa er ein offentleg godkjend standard for verksemder som ønskjer å arbeide systematisk med miljøforbetring. 
For Stad kommune betyr det at verksemdene:

• har gode rutinar for miljøleiing og arbeidsmiljø
• handterer avfall på ein meir berekraftig måte
• har sett i verk tiltak for å redusere energiforbruk og klimagassutslepp
• stiller miljøkrav til innkjøp og transport

Sertifiseringa forpliktar også til vidare innsats. Kvar verksemd skal rapportere årleg om miljøarbeidet sitt, og sertifikatet må fornyast kvart tredje år.

Desse 23 verksemdene i Stad kommune er no sertifiserte:

• Oppvekst og opplæring – 14 verksemder: barnehagar og skular i heile kommunen
• Helse og omsorg – 3 verksemder: Eid helsestasjon og fysio-/ergoterapi, Eid legekontor og Selje helsesenter
• Kultur og samfunn – 4 verksemder: Selje prestegard, Valhall, Eid idrettshus og Eid brannstasjon
• Stad rådhus og Kommunehuset i Selje

Vi er stolte av det vi har oppnådd – og vi held fram! No skal vi byggje vidare på dette arbeidet og inspirere kvarandre til å bli endå betre.

Korleis kan du bidra?

Vi ønskjer dine innspel! Har du idear til korleis vi kan redusere belastninga på klima, miljø og arbeidsmiljø gjennom endringar i vår drift? Send oss gjerne dine forslag.

Gje dine innspel

Les meir om arbeidet med miljøfyrtårn