Budsjetthandsaming haust 2024

Kommunestyret skal innan utgangen av kvart år vedta ein økonomiplan og eit årsbudsjett.

Økonomiplanen skal gje ein realistisk oversikt over sannsynlege inntekter, forventa utgifter og prioriterte oppgåver i ein økonomiplanperioden på fire år, medan årsbudsjettet utgjer første året av økonomiplanen.

I Stad kommune starta prosessen med økonomiplan for perioden 2025 - 2028 og budsjett for 2025 med ei politisk sak i Stad kommunestyre 20. juni 2024, sak KS-24/091. I denne saka har kommunestyret lagt ein overordna plan for arbeidet med økonomiplanen og årsbudsjettet fram til endelig vedtak 13. desember 2024. Tidsplanen blir presentert på denne sida her. I same sak har kommunestyret sagt kva slags føresetnadar som skal ligge til grunn for økonomiplan- og budsjettarbeidet.

Sida vil bli oppdatert gjennom budsjettarbeidet, og her vil ein finne lenkjer til budsjettsakene i finansutval, formannskap og kommunestyre. Det vil også bli lagt ut ei oversikt over dei politiske sakene som har relevans for budsjettarbeidet.

Her vil du også finne kunnskapsgrunnlag, både skriftlege og digitale, som kan bidra til å synleggjere kommunen sine utfordringar og handlingsrom i komande økonomiplanperiode.

7. nov. - Kom. direktøren sitt framlegg til budsjett og økonomiplan 2025-2028

Her kan du lese kommunedirektøren
sitt framlegg til budsjett
og økonomiplan 2025-2028.
Saka vert politisk handsama i råd, utval og formannskap i veke 48, og vert endeleg vedteken i kommunestyremøte 13. desember.

Prosess og saksdok. for budsjett og økonomiplan

Kort om budsjett- og økonomiplanlegging

Kommunelova er styrande for kommunane sitt budsjett og økonomiplanarbeid.
Det er eit grunnleggande krav at kommunane skal forvalte økonomien slik at den økonomiske handleevna blir tatt i vare over tid.
Kommunen skal etter planen fastsette ein økonomiplan som omfattar dei fire neste budsjettåra. Budsjettet inneheld detaljane for det komande budsjettåret.
Økonomiplanen skal rullerast årleg. Dette inneberer at økonomiplanen skal oppdaterast og bygge på endringar i alle typar rammevilkår, nye politiske prioriteringar og andre premissar som har økonomiske konsekvensar for kommunen i den komande fireårsperioden.
Økonomiplanen med årsbudsjett skal vere i balanse, og skal gi realistiske oversikter over sannsynlige inntekter, forventa utgifter og prioriterte oppgåver i heile økonomiplanperioden på fire år.
Kommunen må anslå eit beste estimat ut frå informasjon som er tilgjengeleg og informasjon ein kan bringe fram.
Estimata må basere seg på eit godt fagleg skjøn for det som ein kan forvente. Det faglege må være aktsamt slik at inntektene ikkje blir overvurdert, eller utgiftene blir undervurdert

Tidsplan

Tidsplanen for arbeidet med komande årsbudsjett og handlingsprogram for Stad kommune vert i hovudsak som følgjer:

Aktivitet	Tidsplan
Handlingsprogram 2025-2028 til formannskapet og kommunestyret. Prinsippdokument for vidare arbeid med budsjett og handlingsprogram.	Juni
Budsjettrundskriv til einingane	August
Administrativ handsaming i einingane	August - september
Politisk arbeid med tiltak for innsparingar	August - oktober
Statsbudsjettet 2025 vert offentleggjort	Oktober
Saldert budsjett og handlingsprogram til handsaming i finansutvalet/formannskapet	14. november
Saldert budsjett og handlingsprogram til handsaming i råd og utval	25. - 27. november
Frå finansutvalet/formannskapet til kommunestyret	28. november
Kommunestyrevedtak	13. desember

Regelverk og rettleiarar

Kommunen har ansvar for å ha ei forsvarleg økonomiforvaltning og ei effektiv ressursutnytting som sikrar innbyggarane eit best mogleg tenestetilbod over tid. Kommunestyret har det øvste ansvaret for planlegging, prioritering og styring av den kommunale økonomien innanfor fastlagde inntektsrammer og statlige regelverk.

Kunnskap om kommunal økonomiforvaltning og økonomiplanlegging er viktig for å både forstå og delta i økonomiplan- og budsjettprosessen. Regjeringa har samla alle overordna regelverk og rettleiarar for kommunane si økonomiforvaltning her: Regelverk og veiledere om økonomiforvaltning i kommuner og fylkeskommuner mv. - regjeringen.no

Vil vil særleg anbefale alle interesserte å lese rettleiaren for Økonomiplanlegging i kommunar og fylkeskommunar. Direkte lenkje til denne finn du her: okonomiplanveileder_krd_nett.pdf (regjeringen.no)

Politiske saker og kunnskapsgrunnlag

Politiske saker

Her finn du lenkjer til budsjettsakene i finansutval, formannskap og kommunestyre samt ei oversikt over andre politiske saker med relevans for budsjettarbeidet.

Kommunestyremøte 12. september 2024

Følgjande saker som har tilknyting til budsjett 2025 og økonomiplan 2025 - 2028 var oppe til handsaming i kommunestyremøte 12. september 2024:

Arbeidsverkstad knytt til budsjett 2025 og økonomiplan 2025 - 2028

Oppfølging av kommunestyresak - Plan for vidare arbeid med tenester og bygg i helse og omsorg

Kunnskapsgrunnlag vedlikehald formålsbygg - Skular og barnehagar

Kommunestyremøte 24. oktober 2024

Følgjande saker som har tilknyting til budsjett 2025 og økonomiplan 2025-2028 var oppe til handsaming i kommunestyretmøte 25. oktober 2024:
Budsjett 2025 - handlingsprogram 2025-2028
Investeringsbehov 2025-2028 og framlegg til prioriterte investeringar

Formannskapsmøte 14. november 2024

Budsjett 2025 - handlingsprogram 2025-2028

Anna kunnskapsgrunnlag

Her finn du kunnskapsgrunnlag, både skriftlege og digitale, som kan bidra til å synleggjere kommunen sine utfordringar og handlingsrom i komande økonomiplanperiode.

Helse og omsorg

Stad kommunestyre handsama i møte 20. juni 2024, sak KS-24/093, ei sak om plan for drift og utvikling av formålsbygg og utleigebustadar i Stad kommune. I saka vart det lagt ved eit kunnskapsgrunnlag utarbeidd av PWC omtalt som «Bygg og tilbod av helse og omsorg fram mot 2040». Rapporten beskriver mellom anna dagens helse- og omsorgsteneste i Stad innan heildøgnstilbod for eldre, heimetenesta, bu- og miljøtenesta (inkl. psykisk helse og rus) og tenesteområdet «Helse». I tillegg beskriver rapporten fire ulike utviklingscenarioa for helse- og omsorgstenesta i Stad fram mot 2040, for eldre over 80 år.

Lenkje til rapporten finn du her: Microsoft PowerPoint - Stad kommune bygg og tilbod innan PLO fram mot 2040.pptx

Det er også lagt opp til ein digital presentasjon av rapporten. Den digitale gjennomgangen av rapport med framskrivingar og scenario for Stad kommune si eldreomsorg fram mot 2040 finn du under her: