Korleis prioriterar vi brøyting og strøing av kommunale vegar?
Brøytemannskapet prioriterar i første rekkje vegar og område kring offentlege og kommunale bygg som institusjonar, barnehagar og skular, samt ferdselsvegar, fortau, gang-/sykkelvegar i sentrum. I dei meste hektiske periodane kan det vere at vi ikkje rekk over alle vegar med lågare prioritet. Vi håpar på forståing for dette når snøbyene står på som værst.
- Stad kommune utfører sjølv brøyting og strøing i sentrum Selje og Nordfjordeid
- I bygdene elles vert brøyting og strøing utført av entreprenørar
- Kommunen har brøytevakt på kommunale vegar og er i beredskap heile døgnet. Treng du å ta kontakt om brøyting eller glatte vegar, kan du ringe brøytevakta direkte. Dei svarar straks dei har moglegheit.
Tlf. 948 19 734.
Sjå kart over prioriterte vegar / område på Nordfjordeid
Kommunen har tre køyretøy som blir brukt på 4 roder (område). Institusjonar som Hogatunet der det er folk heile døgnet kjem før barnehagar, skular og idrettsbygg. Tilgang til barnehagar vert prioritert pga tidleg opningstid.
Brøytekart:
Andre brøyteområde/roder på Nordfjordeid:
For at vi elles skal gjere ein god jobb
- unngå å parkere slik at du står til hinder for brøytebilen og husk at brann- og renovasjonsbilar treng
minimum tre meter breidde for å komme fram - sjå til at gjerder, hekkar, tre, garasjar og andre innretningar på naboeigedom til kommunal veg tåler konsekvensane av normalt vintervedlikehold
- fjern tre og anna vegetasjon går ut på trafikkareal
- rydde bort snø på fortau mot offentleg stad og strø areala når det er glatt
- ha aksept for at snø frå kommunal veg vert brøyta inn i private avkøyrsler
- ikkje brøyt snø frå fortau, private vegar og avkøyrsler ut i offentleg veg
Unngå leik ved vegar og parkering
Stad kommune oppmodar alle vaksne om å snakke med borna sine om farane ved å lage snøholer ved veg/parkering og leike i desse, eller å ake i brøytekantane og på offentlege vegar.
- Hjelp gjerne borna å finne andre kjekke stadar for leik!
- Ved store snøfall vil det ta lenger tid enn normalt før alle vegar er ferdig brøyta
- Vis omsyn til mannskap som utfører brøytinga. Det skal ikkje parkerast i vegbana slik at brøyting vert hindra, jf. vegtrafikklova § 37 pkt b.
- Hald god avstand til brøytemaskiner
- Ikkje legg snø frå private areal ut i vegbana – dette er forbode jf. Veglova §57
- Vis omsyn i vegkryss med dårlig sikt pga. snø. Desse vil bli rydda etter snøfallet
- Sko køyretøya etter forholda, jf. forskrift om bruk av køyretøy
- Ved snøbrøyting vert snø også ført inn i private avkøyrsler. Det er då ikkje lov å føre snøen tilbake til veg eller fortau. Veglova slår fast at avkøyrsleeigar er ansvarleg for vedlikehaldet av avkøyrsla til sin eigedom. Dette gjeld og fjerning av snø.
- Det er ikkje lov å legge snø på offentleg trafikkareal (fortau/ vegbane) etter rydding av eiga avkøyrsle, jf Veglova §57.
- Husk å rydde snø slik at du har god sikt til begge sider i avkøyrsla di mot offentleg veg
Med helsing
Stad kommune, kommunalteknikk