Endeleg vedtak om offentleg ettersyn av dette planframlegget vert gjort av formannskapet 28.01.2021.

Etter at framlegg til plan er oppdatert med eventuelle endringar som vert vedtekne i formannskapet, blir den lagt ut til offentleg ettersyn i minst 6 veker. Under denne høyringsperioden har alle høve til å kome med innspel til planframlegget.

Planframlegget består av ei planomtale, konsekvensutgreiing, kart og føresegner og er bygd på gjeldande arealplanar for Eid, Vågsøy og Selje og på alle innspela vi har fått inn i samband med varsel om oppstart av planen.

Det er lagt opp til ein planprosess med brei medverknad, der vi arrangerer opne møter under 1. høyringsperiode i februar – mars. Når høyringsperioden er over, vil planen leggast fram for politikarane på ny, med dei merknadane som kjem inn i løpet av 1. høyringsperiode. Så vil framlegg til plan leggast ut på 2. gangs offentleg ettersyn, og det blir ei ny høyringsperiode på minst 6 veker, der vi vil arrangere møter etter behov.

Det vil sei at alle har høve til å kome med merknadar og innspel til planen i to omgangar. Endeleg vedtak av planen er venta på slutten av året.

Medverknad under 1. høyringsperiode

Stad kommune vil i februar invitere til fleire informasjons- og dialogmøter. Her får alle høve til å kome med merknadar til planframlegget og stille spørsmål til dei som har kome med innspel til arealbruk og til kommunen.

Her finn du saka.