Covid-19-utbrotet i Stad – status laurdag 27. mars kl. 20Prøvesvar frå torsdag viser at fem nye personar i Selje har fått påvist covid-19. Alle fem har vore i karantene som nærkontaktar til tidlegare smitta. Den eine av dei har to nye nærkontaktar innanfor eigen husstand. Publisert 27.03.2021 20.32 Sist endra 27.03.2021 20.42 Prøvesvar frå fredag viser at ytterlegare to personar i Selje har fått påvist covid-19. Også desse har vore i karantene som nærkontaktar til tidlegare smitta, og det er ingen nye nærkontaktar.Til saman har då prøvesvar frå torsdag og fredag vist at sju nye personar i Selje har fått påvist covid-19. Alle har vore i karantene som nærkontaktar til tidlegare smitta. Ein har no fått svar på alle prøver tekne i Selje torsdag og fredag. Det er ingen positive prøver frå testing på Nordfjordeid torsdag og fredag.Dei siste dagane har ein berre påvist smitte hos personar som har vore i karantene. Dette viser at tiltaka med omfattande karantene og testing gradvis har gitt meir og meir kontroll på situasjonen i Selje. Arbeidet med oppfølging av nærkontaktar i karantene, gjenteken testing av desse og testing av alle personar med symptom på sjukdom, held fram.Stad kommune oppfordrar alle innbyggjarar til å ha svært lav terskel for å teste seg. Det vert tilbod om testing i Selje også søndag ettermiddag for personar med symptom med sjukdom. Timebestilling kan gjerast via Nordfjord Legevakt.Symptom på koronavirus kan vere: Sår hals Hoste Tett eller rennande nase Hovudverk Feber Influensafølelse eller sjukdomsfølelse Kroppsverk Tungpust Tap av smak- eller luktesansVi anbefaler at også barn med nyoppståtte symptom det siste døgnet bør testast.