Førjulskos i Leikvang barnehageDet har vore mykje kjekk Lucia- og førjulsfeiring i tenestene i Stad kommune også i år! Desember er ei ekstra koseleg tid, og alle skular og barnehagane har nytta det fine vinterværet med snø og kulde til kjekke aktivitetar ute. Borna i Leikvang barnehage har storkosa seg i snøen i desember. Dei har også vore travle med mange kjekke juleaktivitetar inne. Her eit lite utval fine augeblikk som har vore til glede for små og store i desembertida! Storbarnsavdelingane har laga pepperkakehus og figurar til pepperkakelandsbyen på Stadlandet. 13. desember markerte barnehagen Luciadagen med tog og sang til foreldrene, ute i nydeleg og kaldt vintervær Julestemning i Leikvang barnehage. Varmt og godt inne, kaldt og friskt ute! Flott julepynt i alle former og fargar! Småbarnsavdelinga har dekorert fine pepperkakehjerter som dei har pynta med på avdelinga. Avdelingane har ulike julekalenderar, og tel flittig ned dagane fram til jul. Heldige foreldre som fekk servert nydelege lussekatter som barna hadde laga! - Kjekt å bake, kjekt å servere, kjekt å ete! Personalet fekk hyggeleg førjulsbesøk av Utdanningsforbundet Stad, som hadde med ei smakfull julehelsing alle sette stor pris på! Leikvang barnehage ønsker god jul! Publisert 22.12.2022 15.11 Sist endra 16.01.2023 15.57