Korleis står det til med folkehelsa i Stad kommune?I dag 20. april går startskotet for Folkehelseundersøkinga i Vestland 2022. Undersøkinga vil gje Stad kommune ny og unik lokalkunnskap om korleis innbyggjarane våre har det. Resultata frå undersøkinga vil bli viktige verktøy i arbeidet med å skape gode lokalsamfunn og nærmiljø. Undersøkinga er eit samarbeid mellom Folkehelseinstituttet og Vestland fylkeskommune, i dialog med kommunane. Spørsmåla handlar om helse, trivsel, livskvalitet og andre forhold som har betyding for folkehelsa. Deltakarane blir trekt tilfeldig frå folkeregisteret, og vil få invitasjon via SMS og e-post. Undersøkinga vil gje Stad kommune verdifull informasjon om korleis innbyggjarane har det. Spørsmåla i undersøkinga er relevante både for folkehelsearbeidet i Stad kommune, og til drift og planlegging innafor ei rekkje av kommunen sine ansvarsområde som samfunnsutvikling, oppvekst, helse, velferd, kultur og mobilitet. - Det har stor betyding at flest mogleg av innbyggjarane våre tek del i dette. Mange svar gjev gode data. Etter to år med pandemi er det særleg viktig å få oversikt over korleis innbyggarane våre har det, seier ordførar Gunnar Silden. Tolv heldige deltakarar blir trekt ut til å vinne universalt gåvekort – to på kr 2500 og ti på kr 1000. Gåvekorta er gyldig i fem år. For meir informasjon og lenke til undersøkinga sjå https://vestlandfylke.no/fhus Kontaktinformasjon: folkehelse@vlfk.no tlf.: 512 07 150. Publisert 20.04.2022 09.11 Sist endra 20.04.2022 13.02