Som kjent har Stad kommune vedteke å busetje 25 flyktningar i 2022. Integrerings- og mangfoldsdirektoratet (IMDi) er klare på at dersom vi tar imot flyktningar frå Ukraina, så kjem desse i tillegg til dei vi har gjort avtale om.

Sak om kor mange fleire flyktningar Stad kommune kan ta imot blir politisk behandla i formannskapet 24.03 og i kommunestyret 31.03. Antalet kommunen kan ta imot vil vere avhengig av tilgjengelegheit på bustadar. Det pågår no eit kartleggingsarbeid for å få oversikt over både private og kommunale bygg som kan eigne seg som bustad for flyktningane. 

Kommunen må også vurdere kapasitet i tenestene. Dei som er registrerte og blir busett etter avtale med IMDi vil ha rett og plikt til å delta i introduksjonsprogrammet og skal få opplæring i norsk og samfunnskunnskap. Barn vil ha rett på barnehageplass og opplæring i skule, og alle vil ha rett til helsehjelp.

Det er viktig at kommunen kan gje flyktningane som kjem eit rettmessig og godt tilbod, i tillegg til ein stad å bu. Dette vil også ha vere avgjerande for kor mange kommunen kan ta imot.