BarnevernstenestaBarnevernstenesta skal sikre at barn og unge som lever under forhold som kan skade helsa og utviklinga deira, får naudsynt hjelp, omsorg og beskyttelse til rett tid. Barnevernstenesta skal bidra til at barn og unge blir møtt med tryggleik, kjærleik og forståing, at dei har gode og trygge oppvekstvilkår. Barnevernslova gjeld for barn under 18 år. Tiltak etter § 3-6 kan setjast i verk overfor ungdom inntil dei har fylt 25 år. Undersøking Ei undersøking etter barnevernlova kan føre til at saka vert avslutta utan tiltak, at det vert sett i verk hjelpetiltak eller at det vert fremja sak for barneverns- og helsenemnda om tvangstiltak. Dersom barnevernstenesta fremjar sak for barneverns- og helsenemnda, vil partane i saka ha krav på fri rettshjelp. Hjelpetiltak Vilkåra for hjelpetiltak etter barnevernlova er knytte til at barnet har særskilde behov eller at tilhøva i heimen gjer at tiltak vil vere til det beste for barnet. Det er viktig å understreke at tiltak etter barnevernlova ikkje skal erstatte tiltak som barn og foreldre har rett til etter anna lovverk. Aktuelle tiltak kan vere: råd og rettleiing barnehage støttekontakt besøksheim familieråd økonomisk støtte til utstyr og/eller aktivitet for barnet tilsyn tilvising til barne- og ungdomspsykiatri Kontakt Har du spørsmål om barnevernstenesta kan du ta kontakt med einingsleiar. Meir informasjon Lov om barnevernstenester (barnevernlova) Retningslinjer om hjelpetiltak i barnevernet Barneverns- og helsenemnda Publisert 28.11.2019 16.33 Sist endra 17.02.2023 15.29