FrisklivssentralFrisklivssentralen er eit tilbod til deg som treng hjelp og motivasjon til å endre fysisk aktivitet, kosthald og tobakksbruk. Målet er betre helse og auka livskvalitet. Tilbodet er for deg som ønskjer å endre livsstil, og for deg som har eller står i fare for å utvikle livsstilsjukdommar. Du treng ikkje vere sjuk eller ha ein diagnose for å kome i kontakt med frisklivssentralen. Kva vi kan tilby Tilbodet ved frisklivssentralen går over 12 veker og startar og sluttar med ein helsesamtale. I den første helsesamtalen set vi opp konkrete mål og lagar ein plan for perioden. I den andre helsesamtalen gjer vi opp status og legg ein plan som du skal følgje vidare på eiga hand. Du kan få hjelp med: Individuell rettleiing om fysisk aktivitet, kosthald og tobakk Gruppetilbod for fysisk aktivitet Tilrettelegging for å prøve ut nye aktivitetar Rettleiing i eigenaktivitet Slik søkjer du Lege, anna helsepersonell, NAV med fleire kan tilvise deg til Frisklivssentralen. Tenkjer du at dette kan vere nyttig for deg, kan du også ta direkte kontakt med frisklivskoordinator. Ta kontakt Frisklivssentralen er lokalisert på Nordfjordeid. Opningstidene er tysdag og fredag kl. 9–14. Følg oss gjerne på Facebook. Publisert04.11.2019 22.05 Sist endra03.01.2020 14.12