Kven kan få hjelp på Frisklivssentralen?  

Tilbodet er for deg som allereie har utvikla sjukdom eller som har auka risiko for sjukdom. Frisklivssentralen kan hjelpe deg med å finne aktivitetar og tilbod som passar for deg, setje konkrete mål og gje deg støtte til å gjennomføre det du har planlagt. Tilbodet bygger på prinsippa om mestring, frivillighet og eigeninnsats – du bestemmer sjølv kva du vil jobbe med og i kva tempo.  

Vi har tilbod som kan hjelpe deg til å:   
- Bli meir fysisk aktiv  
- Få eit sunnare kosthald  
- Slutte å snuse eller røykje  
- Bli sterkare psykisk  

Kva tilbyr vi?  

Frisklivssentralen vil gje deg veiledning og støtte til å endre levevanar og meistre helseutfordringar. V Rettleiing og oppfølging foregår både individuelt og i grupper. Den individuelle rettleiinga består vanlegvis av tre samtalar i løpet av oppfølgingsperioden. Mellom samtalane jobbar du sjølv med dine mål og tiltak i kvardagen. I tillegg kan du delta på treningstilbod og eventuelle kurs som gir inspirasjon,  meistring og motivasjon på vegen.  

I Selje er det to treningsgrupper kvar veke,  den eine er utandørs. På Eid er det ein gruppetime, samt moglegheit for 45 minutt rettleiing i apparatsone, på Hamna Aktivitet og Helse.  Dette etter avtale. Treningstilboda er ein moglegheit for deg som treng litt støtte eller motivasjon for å komme i gang. 

I tillegg arrangerer vi kvardagsgledekurs to gongar i året, samt Bra-mat kurs.  Du kan lese meir om kursa nedanfor.  

Kvar finn du oss?  

Frisklivssentralen avd. Nordfjordeid held til på Rådhuset. Du kan enten vente i resepsjonen, eller sette deg i ventesona utanfor fysio- og ergoterapitenesten (då går du inn døra til høgre for hovudinngangen). Gruppetrening og annan trening føregår på Hamna Aktivitet og Helse.  Frisklivssentralen avd. Selje held til på legekontoret/helsesenteret for helsesamtaler. Du ventar i venterommet på legekontoret. Gruppetreninga innandørs held til på kommunehuset i Selje, i 1 etg. bak resepsjonen. Etter treningane i regi av Frisklivssentralen kan ein setje seg ned med ei god samtale og ein kopp kaffi i vrimleområdet/resepsjonen.  

Følg oss gjerne på Facebook for meir info om aktivitetar, kurs o.l. 

Kurs og aktivitetar 

Kurs - Kvardagsglede

Kvardagsgledekurset er ei kursrekke som kan gi deg inspirasjon, råd og hjelp til å øve på teknikkar som kan gi deg ein betre kvardag og høgare livskvalitet. Kurset er utvikla av Rådet for psykisk helse, i samarbeid med Helsedirektoratet og Folkehelseinstituttet.

Kurset legg opp til aktiv deltaking i gruppe, med fokus på å gjere deg bevisst dei fem viktigaste grepa du sjølv kan ta for å fremje livskvalitet og eiga psykiske helse, samt førebygge psykiske lidingar. Kurset går over seks kursdagar og kvar vekentlege økt varar i cirka 2 - 2,5 time. Etter kvar økt får du ein øving til neste gong, som tar utgangspunkt i dine eigne erfaringar. Kurset passar for alle over 18 år som ønsker å ta grep i kvardagen.

Kursdatoar: 
Det er førebels ikkje planlagt kursdatoar i 2026.

 

 

Kurs - Bra mat for betre helse

Bra mat for betre helse er ei kursrekke utvikla av Helsedirektoratet, basert på dei nye nasjonale kostråda.

Kurset kan gi deg kunnskap og praktiske verktøy til å ta gode matval i kvardagen gjere små endringar over tid styrke helsa di over tid.

Kurset passar deg som

• ønsker inspirasjon og støtte til å endre matvanar
• vil lære meir om å ta sunne val og planlegge i kvardagen
• vil bygge vanar for betre helse
   

NB: Kurset er ikkje eit behandlingsopplegg for spesifikke diagnosar eller vektreduksjon. Det kan likevel passe for deg som med fordel kan endre levevanar for å redusere risiko for, eller utvikling av sjukdom.

Kursdatoar: Kurs i 2026 er gjennomført. Det er førebels ikkje planlagt for nye kurs i 2027.