Tryggleiksalarm kan vere ei god løysing dersom du bur åleine og treng moglegheit til å tilkalle hjelp i akutte situasjonar. Alarmen ber du på deg heile døgnet, og du kan enkelt varsle om du treng hjelp.

Når du trykkjer på alarmen, tek Alarmsentralen straks kontakt med deg. Dei vurderer situasjonen og sørgjer for nødvendig oppfølging. Ved behov blir hjelp sendt heim til deg.

Stad kommune

Lokaliseringsteknologi – GPS

Lokaliseringsteknologi er ei teneste for personar som har vanskar med å orientere seg. Ved hjelp av GPS kan ein sjå kvar personen er, ved å vise posisjonen på eit kart på PC, nettbrett eller smarttelefon.

Posisjonen vert berre vist når personen sjølv trykker på alarmknappen, eller etter avtale med personen og eventuelt pårørande.

Målet med tenesta er at personen med orienteringsvanskar – og dei pårørande – skal kjenne seg trygge, frie og meir sjølvstendige. Lokaliseringsteknologi kan òg bidra til at ein kan halde fram med ein aktiv kvardag.

GPS klokke

GPS

GPS anheng

Vi tilbyr ulike sensorar som kan gi auka tryggleik i eigen heim.

Velferdsteknologi som automatisk varslar ved uønskte hendingar, blir rekna som digitale tilsyn. Dette er teknologiske løysingar som blir tildelte etter helse- og omsorgstenestelova.

Digitale tilsyn gjer at tenesteytar automatisk får varsel dersom ein alarm blir utløyst.
Teknologien skal førebyggje fare, redusere skade og sørgje for at du får hjelp dersom du ikkje kan varsle sjølv – samstundes som du får meir fridom.
Vi gjer ei individuell vurdering av kva løysingar som er best eigna for kvar enkelt.

Eksempel på sensorar:

• Sengesensor
• Dørsensor
• Rørslesensor
• Fallsensor
• Pasientvarsling

Digitale tilsyn kan nyttast både hos heimebuande og for bebuarar i institusjon.

Det er behovet til brukaren som avgjer kva teknologi vi tek i bruk. I dag nyttar vi mellom anna rørslesensor, dørsensor, innandørs posisjonering, laken som registrerer fukt, matter i seng og stol, og røykvarslarar.

Nye tilbod som gjev betre ressursbruk og større tryggleik:

• Somnofy er ei digital nattevakt for sjukehus, institusjonar, omsorgsbustader og heimetenesta. Søvnmonitoren samlar kontinuerleg inn helsedata medan personen ligg i senga. Meir informasjon om Somnofy.
• Nattugla er ei kameraløysing for trygg og effektiv oppfølging på natt. 
  Løysinga nyttar sensorteknologi for å registrere aktivitet og varsle ved 
  behov, slik at brukarane får auka tryggleik samtidig som tenesta kan jobbe meir målretta og skånsamt. Bidreg til betre ressursbruk og høgare kvalitet i omsorga.
  Meir informasjon om Nattugla.

Digital heimeoppfølging

Elektroniske dørlåsar, ofte kalla e-lås, er ei løysing som gir både betre tryggleik og meir effektiv drift. 

Når behovet for fysiske nøklar fell bort, kan heimetenesta få raskare og tryggare tilgang til bustadene til brukarane. Det gjer tenestene meir effektive og aukar tryggleiken både for brukarane og dei som yter tenesta.

Stad kommune skal etter plan ta i bruk e-låsar i 2026, og er i prosess med ein leverandøravtale.

Det kjem stadig ny teknologi på marknaden som mange skaffar seg. Slik teknologi kan gjere kvardagen enklare, meir komfortabel og hjelpe deg til å meistre daglege aktivitetar på eiga hand.

Dette kan gi ein lettare, tryggare og meir sjølvstendig kvardag.

Døme på teknologi du kan ta i bruk:

• Robotstøvsugar – held golva reine utan at du treng å løfte ein finger.
• Robotplenklippar – sørgjer for klipt plen heile sommaren.
• Ledelys som slår seg på automatisk når du står opp om natta.
• KOMP – eit enkelt kommunikasjonsverktøy for dei som ikkje brukar nettbrett eller mobil, men ønskjer kontakt med familie og vener.
• Smarthusteknologi som styrer lys, ventilasjon og andre funksjonar automatisk.
• Komfyrvakt – slår av komfyren dersom det oppstår fare.
• Tidsbrytar – skrur av eller på utstyr til faste tider.

Stad kommune