Selje regionale pilegrimssenter

Helle Frogner Det regionale pilegrimssenteret i Selje er eitt av dei fire kystpilegrimssenter langs kystpilegrimsleia, som går frå Egersund til Trondheim.

Pilegrimssenteret er lokalisert i Selje prestegard, som vart opna for publikum i juni 2020. Her får du stempla pilegrimspass, kjøpe souvenirar, bøker og vite meir om kva tilbod som er i Stad kommune og informasjon om nøkkelstadane langs leia i gamle «Sogn og fjordane".

Dei regionale pilegrimssentera skal saman med eit stort nettverk av samarbeidspartar legge til rette for dei gode opplevingane langs pilegrimsleia - St. Olavsvegane til Trondheim.

Selje regionale pilegrimssenter skal bidra med råd og rettleiing for pilegrimar, næringsliv og interessentar knytt til fem nøkkelstadar.

Nøkkelstadane

Selja kloster Gerd Fløde Bjørlo Med legenda om Sankta Sunniva fekk Noreg sin første helgenstad, året før kristninga på Dragseidet i år 997.

I 1068 vart Selje sete for eitt av dei tre bispedøma i landet. Rundt år 1090 vart Selja kloster etablert som eitt av dei første i landet, og gjennom heile mellomalderen valfarta pilegrimar hit. Øya Selja vart knutepunkt for internasjonal og nasjonal skipsfart.

I dag er Selja ei av dess unike, stille og heilage øyane som finns rundt om i verda. Faktisk er ho framleis eit lite katolsk bispedøme - kanskje verdas minste.

Selja kloster

På øya Selja kan du velje om du vil ta båten heilt ut til klosterområdet eller stoppe på Bø og gå ein av dei re stiane til klosteret.

Klosterbåten

Den vakre Kinnakyrkja er ei av dei eldste steinkyrkjene i Noreg, bygd truleg først på 1100-talet, og er eit kulturminne av internasjonalt format.

Legenda vil ha det til at Kinna-kyrkja vart bygd på den verharde vestsida av øya fordi det var her ei gruppe som tilhøyrde flokken som rømde frå Irland saman med Sankta Sunniva, slo seg til her.

Ein av båtane som la ut frå Irland i Sunniva sitt fylgje, dreiv i land på Kinn. Her er det, på same vis som på Selja, ein steinhellar som heilagmennene skal ha søkt ly i. Hellaren heiter Byrjehellaren, og her finst merke etter ein bygning.

Legenda om Borni (som etter legenda skal vere systera til Sunniva) og slektskapet med henne, gjorde truleg Kinn til eit pilegrimsmål i mellomalderen.

Kinn kyrkje

Svanøy er den sørlegaste og frodigaste øya i Kinn kommune. Svanøy si historie er mangfaldig og går langt tilbake. Her finn ein eit steinkors reist til ære for Olav den Heilage og ein offerplass frå vikingtida, då Eirik Blodøks blei født på øya.

I mellomalderen stod det ei trekyrkje som vart erstatt av ei ny krosskyrkje på garden. Denne kyrkja vart riven i 1872. Den store Olavskrossen står der det var kyrkjegard i tidleg kristen tid, og skal vere reist i samband med Olav den Heilage si kristning av landet. Gjenstandar frå dei gamle kyrkjene er på Svanøy hovedgård.

Svanøy hovedgård

KvernsteinparkenKvernsteinbrotet i Hyllestad er Nord-Europas og Noregs største steinbrot frå viktingtid og mellomalder.

Steinbrota er også eit av landets største kulturminne i utstrekning. I hundretal steinbrot jobba det steinhoggarar som lage eit industrilandskap prega av bratte brotveggar, djupe hol og store skrotmasser.

I nokre brot vart det hogd kross, og fleire av steinkrossane ein finn langs vestlandskysten er hogd i Hyllestad.

Kvernsteinparken

Gulatinget David Zadig Gulatinget var eit av dei eldste og største tingsamlingane i Norden. Gulatingslova er den eldste bevarte lovsamlinga i dei Nordiske landa.

På Flolid 4 km aust for Eivindvik finn du Tusenårsstaden som er ein vakker park lagt på den staden tinget etter kjeldene vart flytta til. Gulatinget var det største lagtinget i Noreg frå 900 til 1300 A.D.

Tinget var lovgjevande, utøvande og dømande makt, der lovområda femna heile kysten, samt Hallingdal, Setesdal og Valdres. Her kan du oppleve Bård Breiviks sine monumentale kunstinstallasjonar, der den største er den majestetiske tingveggen.

Gulatinget