Formålet med prosjektet er å løyse dei samansette og komplekse samfunnsutfordringane som kommune-Norge, og dermed også Stad kommune, står overfor.

Det vil vere trangare økonomi, auka forventningar frå innbyggjarane og utfordringar som må løysast på tvers av tenestene.

Hovudmålet med prosjektet er å skape ein samarbeids- og endringskultur slik at vi får samskapande innovasjon som ein etablert arbeidsmetode i lokalsamfunnsutviklinga. Dette vil ein gjere mellom anna ved å involvere innbyggjarane og andre aktørar i større grad enn det som er vanleg.

Illustrasjonen under syner sitater frå prosjektgruppa om samskaping.

Om prosjektet

I mai 2021 inviterte Stad kommune til eit opent møte til alle som er interessert i urbant landbruk. Til dette tidspunktet var det uvisst kva prosjektet skal dreie seg om, men det var bestemt at ein skal følgje prinsippet «Samskaping». Oppstartsmøtet ga smak på meir og det danna seg ei lite prosjektgruppe. Denne gruppa starta å møtast jamleg med målsetning om å utvikle eit prosjekt rundt følgande fokusspørsmål: «Korleis kan vi skape i lag inkluderande møteplassar for å formidle kunnskap om kortreist mat?».

Det var mange idear i lufta om kva ein ynsker å gjennomføre. Engasjementet var så stor at ein bestemte ikkje å vente til vekstsesong starta, men at eit inspirasjonsseminar blei gjennomført med temaet «Dyrk lokalt – et lokalt». Fleire foredragshaldarar frå heile Vestlandet informerte og inspirerte innbyggjarar i Stad om ulike konsept korleis ein kan dyrke i lag. 

Vidare fekk prosjektet høve til å disponere eit 200 m2 stort drivhus som ligg 20 min utanfor Nordfjordeid sentrum på Torheim.

Å dyrke i drivhuset på Torheim er blitt valt som ein pilot for å teste ut konseptet med tanke på og «flytte» det etterkvart til Nordfjordeid sentrum. I starten av vekstsesongen 2022 starta prosjektgruppa i lag med frivillige å dyrke grønsaker og frukt. Eit særskilt fokus låg på å vise fram mangfald av sortar. Til dømes blei det dyrka  17 forskjellige chilli-sortar og 27 forskjellige tomat-sortar.

Status vår 2023

Kommune administrasjonen har jobba med å finne ein lokasjon til drivhus i Nordfjordeid sentrum.

Prosjektgruppa fekk disponere drivhuset på Torheim ein sesong til, kor dei skal starte å dyrke frukt og grønsaker. Så snart drivhuset i sentrum er på plass skal ein del planter flyttast over til sentrum. Drivhuset i sentrum vil være ein fellesgode som er tilgjengelege for ALLE som ynsker å bruke det.

For meir info om dugnadar og meir sjå vår facebook side her!

Bli med!

Alle som har lyst til å bidra inn i prosjektet eller berre har lyst til å bli kjent med oss, er velkommen til å bli med.

Send ein e-post til arild.vonheim@stad.kommune.no

eller ring: 904 09 929.

FBside www.facebook.com/urbantlandbrukstad. 

For å kunne delta i prosjektet treng du ikkje kunnskap, erfaring, utdanning osv.  Alt som trengs er at du er motivert til  å skape noko nytt i lag med andre!

 

  

Prosjektet skal ha fokus på behovet for attraktive, trygge, inkluderande og tilgjengelege møteplassar og arrangement for innbyggjarane i kommunen.

Stad2020-prosjektet «Eit meiningsfullt og aktivt liv» hadde fokus på ungdommar i Eid og Selje kommune, der ein gjennomførte ei kvantitativ undersøking. Denne undersøkinga gjev eit godt bilete av korleis ungdom i Nye Stad kommune:

• Oppgjev sitt aktivitetsnivå både fysisk og sosialt
• Kor nøgde dei er med kvaliteten på tilboda i kommunen
• Kva ynskjer og prioriteringar dei har for tenestene framover
• Kor god livskvalitet ungdomen oppgjev at dei har.

Undersøkinga fungerte godt, og ein har gjort statistiske undersøkingar for å kontrollere dataen. Vi kan no supplere dette med ferske resultat frå undersøkinga Ungdata.

Av hovedfunn vil vi trekkje fram:

• Det er eit gjennomgåande funn at dei som er meir aktive har høgare livskvalitet

I MAL-prosjektet skal vi arbeide vidare med dette temaet. I tillegg skal vi også fokusere på dei eldre innbyggjarane - korleis kan vi skape ny møteplassar og aktivitet?

Saman med ulike aktørar i samfunnet skal vi utvikle prosjektet. Måten vi skal jobbe på vil følgje prinsippet «samskaping». Kva prosjektet skal innehalde, og kva aktivitetar som skal gjennomførast, blir bestemt saman med alle dei som har lyst til å bidra inn i prosjektet.

I midten av mai var det ei samling der det blei kartlagt noko av det vi treng for å ha eit meiningsfullt og aktivt liv. Med utgangspunkt i dette, og resultata frå forprosjektet, skal vi i neste omgang utvikle idèar for hovudfokus i prosjektet.

Framover skal vi møtast regelmessig for å spisse prosjektet, arbeide med problemstillinga, planlegge aktiviteter, kartlegge aktørar og mykje meir.  

Blei du nysgjerrig på prosjektet? Bli med!

Alle som har lyst til å bidra inn i prosjektet eller berre har lyst til å bli kjent med oss, er velkommen til neste møte.

Send ein e-post til arild.vonheim@stad.kommune.no eller ring: 904 099 29

Prosjektet har ikkje starta opp enda. Meir informasjon kjem snart.