Tenesta gjeld for innbyggjarar som har byggverk med fyringsanlegg (skorstein og eldstad)

Forskrift om brannførebygging §6

Varsel om feiing og tilsyn vert i stor grad sendt ut som tekstmelding (SMS).

Dersom det er behov for å avtale meir nøyaktig klokkeslett, ta kontakt med feiaren (sjå tekstmelding).

Dersom datoen ikkje passar, ta kontakt med feiaren for ny avtale.

Varsel om feiing og tilsyn

Vi sender SMS for å varsle deg om feiing og tilsyn.

Får du ikkje varsel?

Det kan vere fleire grunnar til at du ikkje får SMS:

• Kontaktopplysningane dine er feil eller utdaterte.
• Du har nyleg flytta eller bur mellombels på ei anna adresse.
• Mobilnummeret ditt er registrert på arbeidsgjevaren din.
• Du har hemmeleg nummer.
• Du er knytt til ei adresse der du ikkje bur.

Sjekk kontaktopplysningane dine

Du kan kontrollere og oppdatere kontaktopplysningane dine i det nasjonale kontakt- og reservasjonsregisteret. Vi tilrår at du registrerer både mobilnummer og e-postadresse, slik at du kan få varsel når du får digital post frå det offentlege.

Kontroller eller oppdater kontaktinformasjonen din på norge.no.

Varsling til bedrifter

Bedrifter må registrere kontaktpersonar og mobilnummer på varslemeg.no for å få varsel. Vi kan ikkje hente telefonnummer til bedrifter frå andre kanalar.

Registrer kontaktpersonar på varslemeg.no.

Ein person med tilknyttning til bustaden må vere heime når vi kjem på tilsyn, slik at vi vert vist rundt i bustaden.

Dette kontrollerer vi:

• røykvarslarar, sløkkjeutstyr og rømningsvegar
• om eldstad og skorstein har synlege feil eller manglar

I tillegg rettleiar vi deg i spørsmål om fyring og branntryggleik i heimen. Etter besøket får du ein tilsynsrapport.

Gje tilbakemelding til feiaren at alt er klart, via tekstmelding, e-post eller skriv ein lapp og heng på døra. Bruk gards- og bruksnummer på tilbakemelding dersom du brukar tekstmelding eller e-post.

• Parafin-/ oljebrennar skal vere sløkt og avstengd (for dei som har det).
• Stenge luker, ventilar og spjeld.
• Hugs å meld frå til leigebuarar.
• Dersom feiaren skal fjerne sotet frå botnen av pipa. Hugs å setje fram noko egna å ha sotet opp i, og ordne med tilkomst til sotluka.
   

Tilkomst til pipa
Set fram godkjent stige. Stigen må vere i metall. I dei tilfelle det er meir enn 5 meter frå bakke til tak må stigen vere festa med godkjent sklisikring. Stigen skal nå frå bakkenivå til cirka 1 meter over takrenna.

Sjå til at det er stigetrinn på taket fram til skorsteinen. Er det fleire skorsteinar skal det vere montert gangbru mellom dei, eller trinn til alle skorsteinane.

Dersom skorsteinen er over 120 centimeter høg skal den ha feieluke eller plattform.

Alle stigar og trinn må vere montert i forhold til monteringsanvisninga.

I Stad kommune vert det obligatorisk feiing og tilsyn med fritidshus/hytter som har innlagt vatn/avløp, straum og veg. Etter kvart vil det bli innført feiing/tilsyn på alle fritidshus/hytter, slik Forskrift om brannførebygging krev.

Feiar vil sende ut ei melding med informasjon om når han er i området, og ønskjer kontakt med eigarane for å avtale nærare tid for besøk.

Kor ofte ein skal feie, skal vere etter behov, men som oftast er det kvart 4. år.

På fritidshus og hytter prøver vi å foreta feiing og tilsyn på same tid. Vi treng tilgang til bygninga, og ser helst at det er eigaren som er med, men det er ikkje eit absolutt krav.

Dersom ulykka er ute og feiaren ramlar ned frå ditt tak, uansett årsak, er det ein fordel at desse punkta frå forskriftene er ivaretekne:

• Stigen når tilstrekkeleg høgt over takrenna/gesimskanten
• Skli-sikring for stigen på takrenne/gesimskant dersom høgda er 5 meter eller meir
• Alle typar tak med fall utover, skal ha fastmontert og godkjent takstige/trinn som går  heilt frå nedste kant på taket og opp langs sida på pipa.  (Rett mot, dersom pipa står på andre sida av mønet.)  Er det uråd å få takstige/trinn inntil pipa må der vere godkjent plattform/gangbru.
• Er pipa høgare enn 1.2 meter frå trinnet nærast pipa, må godkjent plattform monterast slik at arbeidshøgda ikkje vert over 1.2 meter. 

Forskrift om brannforebygging med veildning

Ver venleg å les og forstå alle punkta som gjeld deg.

Feiing og tilsyn har utspring i «Brann og eksplosjonsvernloven» der §11. h. viser at kommuna ved brannvesenet skal sørge for feiing og tilsyn med fyringsanlegg.

Vidare er «Forskrift om brannforebygging» den som viser dei pliktene innbyggarar, huseigarar, leigetakarar og kommuner har.  Der viser §17 kva kommunen sine plikter er for feiing og tilsyn med fyringsanlegg (eldstad og skorstein).  Den er retta inn mot §6 som viser huseigar sine plikter for fyringsanlegg.

Det er behov og risiko som styrer kor ofte det skal feiast eller ha tilsyn.  I praksis vil det sei at det i hovudsakleg er mengda sot  og type sot som førande for feiefrekvens. Fyringsvanar og forholda elles er styrande for  tilsynsfrekvensen.

Dette fører til at enkelte kan få ofte feiing, men sjeldan tilsyn. Andre kan få ofte tilsyn, men sjelden feiing. 
Grunnen til dette er å bruke feiaren på rettast mogleg stad for å forbygge brann, og for å verne om liv og materielle verdiar.

Feie og tilsynsavgifta er etter sjølvkostprinsippet. og kommunestyret har  vedteke ei diffirensiert gebyrløysing.