Tidsplanen for arbeidet med årsbudsjett 2026 og handlingsprogram 2026-2029 for Stad kommune er i hovudsak som følgjer: 

19. juni - Stad kommunestyre vedtek plan for vidare arbeid med budsjett 2026 og handlingsprogram 2026-2029

11. sep. – Stad kommunestyre vedtek økonomiske budsjettrammer pr sektor

August-okt: Arbeid med tiltaksplan for balansert driftsbudsjett og framlegg til inv. budsjett, satsningsområde/oppdrag/mål

4.11- Ferdigstilling av budsjett og handlingsprogram – framlegg frå kommunedir. 

5.11 - Budsjett 2026 og handlingsprogram 2026-2029 blir sendt til finansutvalet og formannskapet

7.11 - Drøftingsmøte hovudtillitsvalde og AMU 

13.11 - Finansutvalet/formannskapsmøte - politisk handsaming. 

18.11 - Politikarane: Frist for å sende inn spørsmål (Politikarmodul)

20.11 - Frist å svare ut til politikarane

24.- 26.11 - Budsjett og handlingsprogram vert handsama i politisk råd og utval

26.11 - Politikarane: Frist budsjettframlegg (Politikermodul)

27.11 - Budsjett og handlingsprogram vert handsama i formannskapet

28.11 - Budsjett og handlingsprogramm vert lagt ut til offentleg ettersyn

12.12 - Handlingsprogrammet vedtakast i kommunestyremøte

Politiske saker

Her finn du lenkjer til budsjettsakene i finansutval, formannskap og kommunestyre samt ei oversikt over andre politiske saker med relevans for budsjettarbeidet.

• Kommunestyremøte 19. juni 2025

KS 25/107 Budsjett 2026 og handlsingsprogram 2026-2029 

• Kommunestyremøte 11. september 2025

KS 25/137 Budsjett 2026 og handlingsplan 2026-2029

• Finansutvalet / formannskapsmøte 13. november 2025

KS 25/ Budsjett 2026 - handlingsprogram 2026-2029
Kommunedirektøren si orientering til finansutval og formannskap

• Formannskapsmøte 27. november 2025

Budsjett 2026 - handlingsprogram 2026-2029

• Kommunestyremøte 12. desember 2025

Budsjett 2026 - handlingsprogram 2026-2029

Kunnskapsgrunnlag frå budsjettprosess 2025

Her finn du kunnskapsgrunnlag, både skriftlege og digitale, som kan bidra til å synleggjere kommunen sine utfordringar og handlingsrom.

Helse og omsorg

Stad kommunestyre handsama i møte 20. juni 2024, sak KS-24/093, ei sak om plan for drift og utvikling av formålsbygg og utleigebustadar i Stad kommune. I saka vart det lagt ved eit kunnskapsgrunnlag utarbeidd av PWC omtalt som «Bygg og tilbod av helse og omsorg fram mot 2040». Rapporten beskriver mellom anna dagens helse- og omsorgsteneste i Stad innan heildøgnstilbod for eldre, heimetenesta, bu- og miljøtenesta (inkl. psykisk helse og rus) og tenesteområdet «Helse». I tillegg beskriver rapporten fire ulike utviklingscenarioa for helse- og omsorgstenesta i Stad fram mot 2040, for eldre over 80 år. 

Lenkje til rapporten finn du her: Microsoft PowerPoint - Stad kommune bygg og tilbod innan PLO fram mot 2040.pptx

Det er også lagt opp til ein digital presentasjon av rapporten. Den digitale gjennomgangen av rapport med framskrivingar og scenario for Stad kommune si eldreomsorg fram mot 2040 finn du under her:

Betre tverrfagleg innsats i Stad kommune

Velferdsteknologi i helse og omsorg, Stad kommune 

Demens i Stad kommune, status og tenestetilbod

• Kommunelova er styrande for kommunane sitt budsjett og økonomiplanarbeid.
• Det er eit grunnleggande krav at kommunane skal forvalte økonomien slik at den økonomiske handleevna blir tatt i vare over tid.
• Kommunen skal etter planen fastsette ein økonomiplan som omfattar dei fire neste budsjettåra. Budsjettet inneheld detaljane for det komande budsjettåret.
• Økonomiplanen skal rullerast årleg. Dette inneberer at økonomiplanen skal oppdaterast og bygge på endringar i alle typar rammevilkår, nye politiske prioriteringar og andre premissar som har økonomiske konsekvensar for kommunen i den komande fireårsperioden.
• Økonomiplanen med årsbudsjett skal vere i balanse, og skal gi realistiske oversikter over sannsynlige inntekter, forventa utgifter og prioriterte oppgåver i heile økonomiplanperioden på fire år.
• Kommunen må anslå eit beste estimat ut frå informasjon som er tilgjengeleg og informasjon ein kan bringe fram.
• Estimata må basere seg på eit godt fagleg skjøn for det som ein kan forvente. Det faglege må vere aktsamt slik at inntektene ikkje blir overvurdert, eller utgiftene blir undervurdert

Kommunen har ansvar for å ha ei forsvarleg økonomiforvaltning og ei effektiv ressursutnytting som sikrar innbyggarane eit best mogleg tenestetilbod over tid. Kommunestyret har det øvste ansvaret for planlegging, prioritering og styring av den kommunale økonomien innanfor fastlagde inntektsrammer og statlige regelverk. 

Kunnskap om kommunal økonomiforvaltning og økonomiplanlegging er viktig for å både forstå og delta i økonomiplan- og budsjettprosessen. Regjeringa har samla alle overordna regelverk og rettleiarar for kommunane si økonomiforvaltning her: Regelverk og veiledere om økonomiforvaltning i kommuner og fylkeskommuner mv. - regjeringen.no

Vil vil særleg anbefale alle interesserte å lese rettleiaren for Økonomiplanlegging i kommunar og fylkeskommunar. Direkte lenkje til denne finn du her: okonomiplanveileder_krd_nett.pdf (regjeringen.no)