Revidering av kommuneplanen sin samfunnsdel

Vedtak om å revidere kommuneplanen sin samfunnsdelen i haust 2024 vart gjort av Stad kommunestyre i møte 12. september 2024 , i sak om godkjenning av «Utviklingsplan for 2024-2028. Kommunal planstrategi.»

Dei siste fire åra har vi gjort oss gode erfaringar med den gjeldande samfunnsdelen. Vi har jobba godt med forankring av innhaldet, og mot den ønska utviklinga. Vi fekk positiv oppmerksemd for planen i nasjonal samanheng og opplev at planen er eit velfungerande dokument. Likevel ser vi i planperioden behov for å gjere endringar i planen. 

Revidering handlar i hovudsak om:

  1.  Endring av målstruktur
  2. Forankring av satsingsområda
  3. Revidering av arealstrategiane

Ved val av satsingsområde skal vi ta utgangspunkt i dei vedtekne satsingsområda i Stad kommune sin utviklingsplan (planstrategi). Innhaldet i målstrukturen skal bygge på allereie vedtekne overordna planar. Ei slik endring av samfunnsplanens kapittel 4 skal forsterke samanheng mellom kommuneplanen sin samfunnsdel og økonomiplan, og bidra til å skape forståing for målsetningane i komande økonomiplan.

I tråd med formannskapet sitt vedtak juni 2024 (F - 24/087) skal vi også revidere kapittel 6.1 – overordna strategiar for arealplanlegging i Stad kommune. Arealstrategiane utgjer koplinga mellom kommunen sin samfunnsdel og kommuneplanen sin arealdel, og fastset hovudprinsippa for Stad kommune sin langsiktige arealbruk, arealforvaltning og stadutviklinga. Gjennom arealstrategiane fastset vi korleis vi ser for oss å fysisk utvikle kommunen vår. Arealstrategiane er ikkje juridisk bindande, men skal leggast til grunn for arbeidet med kommuneplanen sin arealdel.

Med bakgrunn i med vedtak i KS-sak 23/162; Innbyggjarforslag frå lokalt knutepunkt til lokalsenter, vil vi vurdere ei eventuell endring av kommunen sin senterstruktur. 

Vidare er det kome nye overordna føringar til arealbruk sidan noverande samfunnsdel vart vedtatt i 2020, og vi må sjå til at våre arealstrategiar er i tråd med desse. Lokale utviklingstrekk som mellom anna demografiske endringar, næringsutvikling, sosial ulikskap, utvikling knytt til kulturarv og verneområde for natur, påverkar òg arealstrategiane. Ved revidering må vi vurdere om det er behov for å tilpasse arealstrategiane desse utviklinga.

Status av planarbeidet

Stad formannskapet vedtok i møte 14. november 2024 å legge ut forslag til planprogram for revidering av kommuneplanen sin samfunnsdelen til offentleg ettersyn. Frist for å gje innspel til planforslaget er  måndag 20.januar!

Planprogrammet for revidering av samfunnsdelen har som funksjon å opplyse om formålet med revidering av planen, korleis planprosessen er tenkt gjennomført, avgrensing av revideringsomfang og korleis ein skal legge til rette for informasjonsutveksling og deltaking i planprosessen.

Gi innspel!

Du kan gi skriftleg innspel via:

Elektronisk innspelsskjema

  • pr. e-post: merk med «Uttale til planprogram for revidering av kommuneplanen sin samfunnsdel», send til post@stad.kommune.no
  • eller brev: merk med med «Uttale til planprogram for revidering av kommuneplanen sin samfunnsdel», send til Stad kommune, Rådhusvegen 11, 6770 Nordfjordeid.

Frist 20.januar 2025

Vidare behandling

Når fristen er ute, vil innkomne uttaler bli samanfatta og vurdert før planprogrammet vert lagt fram for endeleg behandling i starten av 2025. Vidare vert arbeidet med revidering av planen sett i gang.

Artikkelliste