Kommunestyret har i løpet av 2025 vedteke fleire tiltak for å sikre ei berekraftig økonomisk utvikling. Dette vil påverke både tenestetilbod og prioriteringar framover.

Innsparingstiltak for 2025

Kommunestyret har også bede kommunedirektøren om å setje igang strakstiltak for å redusere driftskostnadane med 10 millionar kroner i inneverande år. Dette kjem som følgje av prognosar som viser eit forventa meirforbruk på over 85 millionar kroner i 2025. Sak 25/132

For å møte dette kravet har kommunen innført restriksjonar på:

• Oppretting og tilsetjing i nye stillingar
• Bruk av vikarar og overtid ved fråvær
• Tenestereiser og kursdeltaking
• Innkjøp av varer og tenester
   

Målet er å redusere forbruket og avgrense bruken av disposisjonsfondet, slik at kommunen kan oppretthalde eit forsvarleg tenestetilbod. Les sak om innsparingskrav handsama i kommunestyret 11. september 2025. 

Arbeid med budsjett 2026 og økonomi-/handlingsplan 2026–2029

Kommunestyret har fått presentert forslag til økonomiske rammer for dei kommande åra. For å oppnå økonomisk balanse og møte krava frå Statsforvaltaren, må kommunen redusere driftsnivået i alle kommunalområde fram mot 2029.

Dette betyr:

• Stramme økonomiske rammer for alle tenesteområde
• Gradvis bruk av disposisjonsfond
• Låg investeringstakt og kontrollert gjeldsvekst
   

Sjølv om Stad kommune driv effektivt samanlikna med andre kommunar, er det krevjande å kutte ytterlegare. Auka behov for tenester og demografiske endringar gjer dette arbeidet ekstra vanskeleg.

Budsjettprosess hausten 2025 

Kommunalsjefane, einingsleiarar og tillitsvalde har i haust arbeidd fram eit forslag, grundig vurdert, med konsekvensanalysar og i tråd med lov- og avtaleverk. 

Dei konkrete innsparingstiltaka for kvart kommunalområde blei lagt fram for finansutvalet og Stad formannskap 13. november. Framlegget frå formannskapet blei deretter lagt på høyring i perioden 27.11 til 11.12.
Budsjettframlegget blei samrøystes vedteke av Stad kommunestyre 13. desember 2025.

Kommuneøkonomi og rapportering