Bakgrunn
Stad kommune er eigar av ulike formålsbygg og bustadar for vanskelegstilte. Totalt utgjer dette om lag 72.000 m2 fordelt på om lag 110 bygg som ansvar 414 -Eigedom driftar og vedlikeheld.
Kommunestyret har i sak 25/009 bedt om at administrasjonen gjer ei vurdering av om det er mogleg å avhende bygg og eigedomar med formål å redusere kostnader for kommunen, men også med formål å realisere mogleg gevinst for kommunen slik at ein – om mogleg, kan redusere gjeld. Bustadar som kommune eig med bustadsosialt føremål (vanskelegstilte på bustadmarknaden), vert halde utanfor denne vurderinga. Kommunen sitt eigarskap i høve bustadar til vanskelegstilte, vil bli lagt fram i eit eige delprosjekt seinare; Vurdere driftsform på bustadar for vanskelegstilte.
Arbeidet omfattar å lage oversikt og sjå på alle bygg og tomter som:
- Ikkje er i bruk
- Er lite i bruk
- Ikkje tener ei lovbestemt teneste
Beskrive kort objektet:
Beskrive kort standard på objektet og eventuelt bruken.
Berekne kva inntekter ein kan få ved sal (estimert) og estimere reduserte driftskostnadar.
Inntekter frå sal vil føre til reduserte driftskostnadar som vil medverke til å få ein berekraftig økonomi. Færre bygg å ta vare på vil også føre til reduserte driftskostnadar.