Ivaretaking av natur er også viktig for menneske sin livskvalitet og sosiale forhold, mellom anna som ein viktig arena for friluftsliv, rekreasjon og som møteplass. Arealendringar er den viktigaste årsaka til tap, svekking og fragmentering av natur både globalt og nasjonalt. Det er summen av alle lokale avgjersler som fører til nedgang i naturmangfaldet. Den store utfordringa er at vi framleis bygger ned svært mykje natur i heile landet. 

Ein naturmangfaldplan er ein langsiktig plan for naturmangfaldet i Stad kommune og ein direkte oppfølging av samfunnsdelen. Formålet med kommunedelplan for naturmangfald er å bidra til kunnskap og bevisstheit om naturen, som grunnlag for interesseavveging. Ein naturmangfaldplan skal også identifisere tiltak for sine naturverdiar, som skal sikre at naturen blir forvalta på ein god måte. 

Les meir om plan for naturmangfald på miljødirektoratet si nettside.