Alle kommunar kan bli ramma av hendingar som kan gjere stor skade på menneske, miljø og eigedom.

Samfunnsviktige funksjonar som for eksempel helse, vatn eller stramforsyning er sårbare for ekstraordinære belastningar. Ved å forberede seg på å handtere slike hendingar, kan kommunen redusere konsekvensen betydeleg.

Dette gjer vi ved å arrangere eller delta på øvingar og å utarbeide risiko- og sårbarheitsanalysar (ROS-analysar) for ei rekkje tenkte scenario.

For å kunne reagere rasjonelt og effektivt i kritiske situasjonar har kommunen utarbeidt eit beredskapsplanverk for å handtere kriser, ulykker og katastrofar.

Planverket består av ein overorda plan, og planar og rutinar for dei enkelte delane av den kommunale verksemda.

Kommunen sin kriseleiing blir sett i verk, i tråd med kommunen sin beredskapsplan, når det oppstår uønska alvorlege hendingar som krev ei brei handtering frå kommunen si side.

Kommunen sin leiing ved ordførar og kommunedirektør tek avgjersle om å setje kriseleiing basert på ei heilskapleg vurdering av situasjonen.

Kommunen sin kriseleiing består av:

• Ordførar
• Kommunedirektør
• Medlemmane av kommunedirektøren si leiargruppe (kommunalsjefane)
• Leiarane for stabseiningane (personal og kommunikasjon, strategi og samordning)
• Kommuneoverlege

Kommunen sin kriseleiing vil, avhengig av typen krise, kunne forsterkast med representantar frå samarbeidande etatar og verksemder, for eksempel politi eller brannvesen.

Kommunen sitt psykososiale kriseteam har som formål å vere tilgjengeleg for dei som har behov for psykososial støtte og omsorg ved større ulykker, alvorlege hendingar/kriser, eller katastrofar i Stad kommune, som involverar éin eller fleire av kommunen sine innbyggjarear og dei som elles oppheld seg i kommunen.

Kommunen sitt psykososiale kriseteam er eit tverrfagleg team beståande av prest og kommunalt tilsette fagpersonar frå ulike instansar i kommunen. Alle har kunnskap og erfaring med å bistå kriseutsette.

Teamet kan aktiverast enten av politiet, legevakta, kommunedirektøren eller frå kommunen sin beredskapsleiing.