Tilskot til ferie og fritid kan gjevast til å dekke faktiske utgifter til løn, feriepengar, arbeidsgjevaravgift og avgiftspliktig køyregodtgjersle til avløysar. Grunnlaget for fastsetting av tilskotet er tal dyr føretaket disponerte på det tidspunktet, eller i den perioden, som framgår av jordbruksavtalen.

Tilskotet forvaltast i lag med fleire andre tilskotsordningar i tråd med føresegnene i forskrift om produksjonstilskot og avløysartilskot i jordbruket. Desse ordningane har felles søknadsprosedyre. Søknadsfristane er 15. mars for del 1 (husdyrprodusentar) og 15. oktober for del 2 (husdyrprodusentar og planteprodusentar).

Informasjon om ordninga og vegleiing til elektronisk søknad finn du på Landbruksdirektoratet sine sider. 

Tilskotet kan gjevast til foretak med husdyrhald, heilårs veksthusproduksjon, plante- og/eller birøkt. Det kan gjevast tilskot til avløysing ved sjukdom, svangerskap/fødsel/adopsjon, kronisk sjuke barn og følge av sjuke barn til behandling. Det kan vidare gjevast tilskot til gjenlevande ektefelle/sambuar, barn eller foreldre til avdøde som var berettiga tilskotet.

Søknadsfrist er seinast 12 månadar etter at avløysinga har skjedd.

For meir informasjon om ordninga og vegleiing til elektronisk søknad, sjå Landbruksdirektoratet sine sider.

For å motta tidlegpensjon må brukar ha fylt 62 år. For å få tobrukarpensjon må ektefelle/sambuar ha fylt 57 år. Korkje brukar eller ektefelle/sambuar kan eige landbrukseigedom når ein av dei eller begge går over på tidlegpensjon. Brukar og eventuell ektefelle/sambuar kan vidare ikkje ha næringsinntekt frå jordbruk/gartneri eller skogbruk, ytingar frå folketrygda eller AFP-pensjon samtidig som det ytast tidlegpensjon.

Det er fleire krav til inntekt og inntektssamansetning for å få tidlegpensjon.

For meir informasjon om ordninga og vegleiing til søknad, sjå Landbruksdirektoratet sine sider.

Landbruksvikarane skal avløyse bøndene ved sjukdom og krisesituasjonar. Avløysarlaga har ansvar for ordninga.

Landbruksvikarordninga i Stad vert administrert av Landbrukstenester Nordfjord, tlf 476 80 360 og Vest Landsbrukstenester tlf 488 94 245