Resultatmål

Statens Hus» piloten i Stad har identifisert og testa ut område som kan effektiviserast og eigne seg for tenesteinnovasjon på distrikta sine premissar.

Hovudproblemstillingar

Korleis setje dagsorden og utforske behovet og moglegheitsrommet for effektivisering, tenesteinnovasjon og etablering av nye eller endra tenesteområde på distrikta sine premissar? 

Kva er moglegheitsrommet og potensialet for meirverdi i at stat og kommune samarbeider om publikumstenester for å bidra til ei effektiv og brukartilpassa forvaltning med god tilgjenge?

Forventa gevinstar

Effektiviseringsgevinstar for staten; redusert bemanning og ev. reduserte utgifter til lokale

Kvalitetsgevinstar for staten; auka kvalitet i form av auka tillit, og effektivisering

Gevinstar for andre aktørar som t.d. innsparingar og kvalitetsgevinstar: redusert bemanning, auka tillit, betre tilgjenge og service, meir effektiv bruk av det offentlege sine ressursar.

Stad kommune gjennomførte våren 2020 ein mindre forstudie blant dei statlege og regionale aktørane på Nordfjordeid. Dei statlege aktørane sine lokalitetar per i dag med leigekontraktar vart då kartlagt, i tillegg til at ein innhenta synspunkt på fordelar og ulemper ved samlokalisering gjennom eit Statens Hus på Nordfjordeid. Som det går fram under punkt 4.1 gav då fleire av dei statlege etatane lokalisert på Nordfjordeid i dag uttrykk for eit behov for nye lokalitetar og stilte seg positive til å sjå nærare på potensialet for samlokalisering. Dette gjaldt mellom anna Skatteetaten, jordskifteretten, tingretten, NAV og politiet. Prosjektgruppa tilrår at samlokalisering blir eit prioritert delprosjekt i hovudprosjektet for «Statens Hus» i Stad, og at forprosjektet dannar grunnlaget for etatane og departementa sine vidare avklaringar av kva etatar som skal delta i sjølve piloten. Økonomiske og administrative konsekvensar av samlokalisering krev meir utgreiing i piloten, og endeleg deltaking i samlokaiseringsprosjektet skjer når desse utgreiingane er gjort.

Forventa gevinstar

Forprosjektet samanfattar innspel undervegs i arbeidet om mulige gevinstar direkte for dei etatane som deltek i ei samlokalisering. I tillegg peikar forprosjektet på ein del mulige gevinstar/effektar som peikar ut over dei einskilde deltakande etatane, men er viktige for den samla effektene og for å møte utfordringane trekt opp i m a NOU 2020:12 og NOU 2020:15:

• Sjå på moglegheitene/forsøk for å etablere nye statlege arbeidsplassar i «Statens Hus» i Stad som kan skape synergiar med eksisterande statlege miljø og arbeidsmarknaden elles.
• Styrke statlege kompetansemiljø nasjonalt gjennom å gje dei ei meir sentral rolle i arbeidsmarknaden desentralt og utnytte kommunikasjonsteknologien for å vere til stades over heile landet.
• Vurdere moglegheitene for ein regional «Ta med jobben heim-ordning» der tilsette i statlege arbeidsplassar i ei digital verd får høve til å søke om å ta med jobben heim til Nordfjord.
• Tilby ambulerande kontor for statleg og fylkeskommunal verksemd frå Statens hus med moglegheit for kontorstad permanent etter å ha «prøvebudd» i Nordfjord

Målet for regjeringa sin regional- og distriktspolitikk er regional balanse gjennom vekstkraft, likeverdige levekår og berekraftige regionar i heile landet, jf. Meld. St. 18 (2016– 2017). Ein desentralisert stat er avhengig av berekraftige regionar med ein samla sett positiv nærings-, bustad- og besøksattraktivitet. Utfordringane for distrikta er venta å bli store, og kan truleg berre løysast gjennom eit tett og strategisk samarbeid på tvers av statlege, regionale og kommunale aktørar og i samarbeid med næringsliv, FOU-miljø og utdanningsarena.

Under punkt 3, Regionale og lokale utfordringar, i denne sluttrapporten blir det peika på at endringar i demografi og manglande tilgang på relevant arbeidskraft blir blant dei største utfordringane til næringslivet i Nordfjord framover. Sluttrapportens punkt 4.2,

Rekrutteringsprosjekt i Nordfjord, og punkt 4.3, Desentralisert utdanning og Campus, viser korleis staten, fylkeskommunen, kommunane, næringslivet og fagskule/høgskule samarbeider som rekruttering og desentralisert utdanning i Nordfjord i dag. Det er eit ønske om å styrke og vidareutvikle dette samarbeidet i piloten.

«Distriktshub Vestland» – kan opprettast i prosjektperioden for «Statens Hus» som ein mellombels, fleksibel distrikts-tenketank og innovasjonsorgan på tvers av privat og offentleg sektor. Det er mogleg å sjå på distriktshub’en som eit innovasjonsorgan for ny distriktspolitikk, tufta på regionen sine komparative fortrinn og framtidige behov innanfor rekruttering og desentralisert utdanning. Prosjektgruppa tilrår at staten som utviklingsaktør og samarbeidspart blir eit eige satsingsområde og delprosjekt i piloten «Statens Hus» i Stad. Følgjande delmål/resultatmål er sett for satsinga:

«Statens Hus» piloten i Stad har utarbeidd og testa ut ein modell som viser korleis piloten Statens hus i distrikta kan vere eit verkty for ny distriktspolitikk knytt til lokalisering av statlege arbeidsplassar, rekruttering, desentralisert utdanning og klynge- og næringsutvikling.