For heiltidsplass betalar du for elleve månedar i året. Du betalar frå den månaden barnet ditt startar i barnehagen. Juli månad er betalingsfri.
Betalingssatsar frå 01.08.2024 (for utskrift) (PDF, 252 kB)
| 30% søskenmoderasjon for søsken nr 2 og gratis barnehageplass frå og med søsken nr 3. |
Har du låg inntekt kan du få lågare pris
Familiar som samla tente mindre enn 275.000 kroner i fjor har rett på å betale mindre for barnehageplass, og ikkje meir enn seks prosent av samla årsinntekt for barnehagetilbodet.
(Jamfør regelverket Udir)
Vi behandlar søknadar gjennom heile året, men hovudsøknadsfristen er 1. juli. Har du barn i privat barnehage skal du bruke det same søknadsskjemaet for lågare foreldrebetaling som for kommunale barnehagar.
Her finn du brukarveiledning korleis du søkjer om lågare foreldrebetaling
- Får du søknaden om lågare pris godkjent gjeld det for eitt barnehageår om gongen. Du må derfor søke på nytt kvart barnehageår.
- Får du søknaden om lågare pris godkjent, gjeld det frå månaden etter du har sendt søknaden.
Gratis kjernetid for 2-, 3-, 4- og 5-åringar
Alle 2-, 3-, 4- og 5-åringar som bur i husstandar med lav inntekt har rett til 20 timar gratis opphald pr. veke. Husstandar som har ei samla brutto inntekt under kr 642.700 kan søkje om dette (pr 01.08.2024). Alle som har rett til gratis kjernetid, har også rett til redusert foreldrebetaling.
Inntekter som skal reknast med
Foreldrebetalinga skal reknast ut frå husstanden si samla skattepliktige kapital- og personinntekt. Ein husstand kan vere ektefeller, registrerte partnarar og sambuarar. Bur eit barn fast hos begge foreldra, skal foreldrebetalinga reknast ut frå inntekta i husstanden der barnet er folkeregistrert.
Har du fleire barn i barnehage?
Dersom du har fleire barn i barnehage, gjeld søskenmoderasjon for dei andre barna etter gjeldande reglar.
Forskrift og vedtekter
Spørsmål om faktura og betaling for barnehageplass
Fagavdeling for skule og barnehage administrerar fakturarutinene for dei kommunale barnehagane.
Betalingsfrist er den 20. kvar månad. Hvis du ikkje har oppretta e-faktura eller avtalegiro, vert faktura sendt til adressa i folkeregisteret. Det er kundenummer som er e-faktura id, og kundenummeret står oppe til høgre på fakturaen. Dei private barnehagene har eigne fakturaordningar.
KID er påført alle fakturaer som vert sendt ut – også e-faktura, og det er viktig at dette er påført alle betalingar.
Innbetaling skal kun skje til kommunens konto 3720.18.44968.
Spørsmål angående kommunal fakturering kan rettast til administrasjonen i si fagavdeling for skule og barnehage.