Den enkelte barnehage og skule vil informere deg som føresett om når du kan ta i bruk løysinga. Du som føresett kan gjere deg kjent med portalen i forkant av oppstart, men du vil då ikkje motta oppfølging frå den aktuelle barnehagen eller skulen. Føresettportalen er tilgjengeleg både som app og i nettlesar.

App 

Appen Vigilo er utvikla både for iOS og Android. Du kan laste den ned via Apple Store eller Google Play.

Første gang du loggar deg på appen må du velje Stad kommune og deretter logge på med ID-porten for ei trygg og sikker pålogging. Du vil då bli beden om å opprette ein firesifra PIN-kode for enkel pålogging i appen neste gang du skal ta den i bruk. Dersom mobiltelefonen din eller nettbrettet tilrettelegg for bruk av fingeravtrykk eller ansiktsgjenkjenning kan du aktivere dette og dermed erstatte PIN-koden. 

Merk at du må logge inn med ID-porten første gang du brukar ei ny eining, og dersom det er 15 dagar sidan sist du var inne i appen. Utover dette loggar du dagleg inn ved bruk av din firesifra PIN-kode, fingeravtrykk eller ansiktsgjenkjenning.

Brukarrettleiing for korleis ta i bruk appen  finn du på Vigilo sine nettsider. 

Når du loggar inn via appen kjem du direkte til føresettportalen på mobile einingar. Der kan du sende meldingar til lærar og andre tilsette som er knytt barnet ditt. Kontaktlærar blir alltid valt automatisk, medan du må velje andre tilsette og medføresette frå ei mottakarliste som er tilpassa tilgangen din. Merk at meldingane ikkje skal innehalde sensitiv informasjon. Sjå eige avsnitt under om handtering av sensitive opplysingar. 

Fråværsmeldingar blir automatisk sendt til kontaktlærar. Det er mulig å legge til både kommentar og vedlegg. Både kontaktlærar og skuleleiinga kan lese fråværsmeldingar. Merk igjen at meldingane ikkje skal innehalde sensitiv informasjon. 

Under innstillingar kan du velje kva for varslar du ønskjer å tillate, sjå informasjon om appen og personvern, velje språk og gå direkte til brukarstøtte. Her kan du også laste opp ditt eige profilbilde. 

Brukarrettleiing for bruk av meldingar, bruk av fråværsmeldingar, korleis endre innstillingar er tilgjengeleg på Vigilo sine nettsider. 

Nettlesar

Dersom du ikkje ønskjer å bruke appen, er føresettportalen også tilgjengeleg for pålogging i nettlesar via pc eller nettbrett. Funksjonane i løysinga er dei same i nettlesar som i app. 

Innlogging via ID-portalen til føresettportalen

Føresette må vere merksame på kva for type sensitiv informasjon dei sender gjennom føresettportalen i Vigilo, anten som del av ei melding eller som vedlegg.

Eksempel på sensitiv informasjon som ikkje skal sendast i meldingssystemet, er opplysingar om alvorleg eller kronisk sjukdom eller vanskelege forhold på skulen som involverer andre namngjevne elevar og tilsette.

Alvorlege forhold på skulen som sterk mistrivsel, krenking og mobbing, medelevar sitt namn, individuelle opplæringsplanar og enkeltvedtak skal meldast direkte til skulen.

I meldingssystemet kan du melde inn forbigåande helseopplysingar som til dømes «Line blir heime frå skulen grunna omgangssjuke», «Per skada foten på trening i går kveld» og «Svein synes det er vanskeleg på skulen for tida» Vær merksam på at andre tilsette på skulen enn barnet sin kontaktlærar også kan lese meldingane som kjem inn. Du må aktivt velje den andre føresette som mottakar for at denne skal sjå meldinga. 

Meldingssystemet er ikkje meint som erstatning for det fysiske møtet mellom føresette og skulen.  Det er framleis høve til å ringe eller be om eit eige møte med den enkelte skule eller barnehage.

Føresette kan også sende fysiske brev til skulen eller barnehagen. Følgjande adresse til felles postmottak skal då brukast:
{Namn på skule/barnehage}
Rådhusvegen 11
6770 Nordfjordeid 

Ytterligare informasjon om personvern i samband med bruk av Vigilo kan du lese om i eit eige avsnitt under om personvern.
 

Ulikskapar mellom private og kommunale barnehagar. 

Kommunikasjonsløysninga er for dialog mellom kommunale barnehagar og føresette til barn i barnehagen. Private barnehagar kan ha andre løysingar for kommunikasjon. Vi tilrår deg å kontakte barnehagen din for meir informasjon.
 

Kva inneber bruk av Vigilo i barnehagar?

Vigilo Foresatt­portal gir høve til digital kommunikasjon mellom føresette og tilsette og har følgjande tilgjengelege funksjonar:

• Nyheiter
  Under nyheiter kan du sjå publiserte innlegg, bilde og rutinar frå barnehagen din. Her kan du også registrere helseinformasjon (som du seinare kan oppdatere inne i nettportalen). 
• Meldingsteneste 
  Du kan både sende og gje nødvendig informasjon om barnet ditt til barnehage via meldingstenesta. I meldingar som du sender til barnehagen kan du legge ved eventuelle vedlegg. Meldingar du sender til barnehagen har alle dei tilsette innsyn i. Unngå derfor å sende sensitiv informasjon. Eksempel på sensitiv informasjon er opplysingar om helse, problematiske tilhøve i barnehagen, andre barn sitt namn, individuelle tilpassingar og enkeltvedtak.  
• Fråværsmelding 
  Du kan sende fråværsmeldingar til barnehagen når barnet ditt har fri eller er sjuk, slik at dei tilsette får rask informasjon om dette. Det vil samtidig og automatisk bli registrert fråvær på barnet i barnehagen si oversikt. 
• Innstillingar
  Under innstillingar kan du velje kva for varslar du ønskjer å tillate, du kan velje språk og laste opp ditt eige profilbilde. Du kan også sjå informasjon om appen og personvern og gå direkte til brukarstøtte.

Føresettportalen i Vigilo skal sørge for enkel og digital kommunikasjon mellom heimen, skulen og SFO. 

Alle skulane i Stad kommune skal ta i bruk Vigilo. Den enkelte skule vil informere føresette om planlagt oppstart for bruk av løysinga. De får informasjon om Vigilo på foreldremøte og i informasjonsskriv i forkant av oppstart. For nærare informasjon, ta direkte kontakt med skulen din.
 

For deg som har barn i skulen of SFO vil følgjande informasjon og funksjonar etter kvart vere tilgjengeleg i portalen:

• Meldingar 
• Fråvær 
• Timeplan skule 
• Heil- og halvårsvurderingar
• Orden og åtferd
• Helsekort (allergiar) 
• Samtykke 
• Innstillingar

Som føresett i føresettportalen til Vigilo får du oversikt over løpande fråvær, samt heil- og halvårsvurderingar i form av samla karakterar og vurdering av orden og åtferd.

Vigilo erstattar ikkje Itslearning. Dette er eleven sitt system for kontakt med skulen, lærarane sine og medelevar. Itslearning skal framleis nyttast til innleveringar og vurderingar knytt til den enkelte elev. Denne løysingen blir også brukt til kommunikasjon mellom elev og lærar.

Føresette får ikkje tilgang til vurderingar av eleven sine enkeltinnleveringar og arbeid undervegs i skuleåret gjennom Vigilo.

Ved søknadar om permisjonar frå skulen skal gjerast som tidlegare, kontakt rektor for informasjon. 
 

Stad kommune har som mål at informasjonssikkerheit og personvern skal vere ein naturleg del av verksemda vår.  

Les meir om korleis kommunen handterer personopplysingar.

Personvern i Vigilo 

Stad kommune hentar personopplysingar frå Det Norske Folkeregisteret. Det vil inkludere opplysingar om namnet ditt, e-postadresse, kontaktinformasjon, språk, familieforhold og dine bruksdata. Opplysingar om barn og føresette blir lagra så lenge barnet er innskrive i barnehagen eller skulen, og deretter i inntil eitt år. 

Personopplysingar om barn er særlig beskytta. Føresette godkjenner på vegne av barnet, og barnet kan samtykke sjølv frå den dagen dei fyller 15 år.

Meir generelt om personopplysingar finn du på www.datatilsynet.no