Fleire tema og problemstillingar knytt til trafikktryggleik blei drøfta under hovudtemaet "korleis bli tryggare med barn i trafikken". 

- Gjennom kurset ønskar vi å gje dei barnehagetilsette ei grundig innføring i korleis dei på ein enkel og morosam måte kan arbeide med trafikktryggleik i barnehagen, seier kurshaldar og spesialrådgjevar Marie Louise Simonsen Zangenberg i Trygg Trafikk, frå hovudkontoret i Oslo.

- Barn er impulsive. Dei har lett for å gløyme at dei er i ferd med å krysse vegen dersom dei oppdagar noko spennande. Før 7-årsalder er barn si tenkning konkret og knytt til det som skjer her og no. Derfor har dei også liten evne til å sjå føre seg hendingar eller å overføre erfaringar frå andre situasjonar. I desse første sårbare barneåra er barnehagen ein særs viktig arena for å skape læring og tryggleik for barna. Kurs for dei tilsette i barnehagane er derfor ein viktig prioritet i arbeidet vårt, understrekar kurskontakt og spesialrådgjevar i Trygg Trafikk Vestland, Audun Heggestad.

Tema på kursdagen 14. mars: 

• Pedagogiske metodar i trafikken
• Trafikk i Rammeplanen
• Barn sine føresetnadar
• HMS
• Sikring i bil og buss
• Rutinar på tur
• Foreldresamarbeid
• Barna sin Trafikklubb
• Trafikksikker barnehage