For Stad kommune vil dette vere den første heilskaplege planen for naturmangfald i kommunen. Planen skal sikre at naturen blir forvalta på ein god måte og gjennom dette bidra til å stanse tap av naturmangfald. 

Planen medfører ingen auka forpliktingar når det gjeld å ta omsyn til overordna nasjonale eller regionale miljøinteresser, men følgjer opp det ansvaret som norske kommunar allereie er forplikta til å ta. 

Oppbygging av planen
Kommunedelplan for naturmangfald er det operative plandokumentet i Framsikt, og 
inneheld mål, tre innsatsområde og strategiar.Måla er henta frå “Kommuneplanen sin samfunnsdel 2026-2038”, og planen er dermed ei direkte oppfølging av samfunnsdelen. Under kvart innsatsområde er det definert strategiar som kommunestyret skal følgje opp.

Lenke til planen

 Strategiane viser kva veg kommunen skal gå for å oppnå måla. Vi har valt ut følgande innsatsområde: 

• Innsatsområde 1: Naturforvaltning 
• Innsatsområde 2: Arealforvaltning 
• Innsatsområde 3: Formidling og samhandling 

Vedlegg til planen (lenke til disse finn du under “Vedlegg” i sjølve planen):

• Handlingsdelen viser prioriterte tiltak for perioden 2026-2029. Handlingsdelen er den 
  konkrete oppfølginga av planen. Dei fleste tiltaka er avhengige av enten interne ressursar 
  og/eller ekstern finansiering. Prioritering av tiltak kan derfor bli endra.  
• Kunnskapsdelen gir ei oversikt over naturmangfaldet i Stad kommune og forvalting av 
  naturen. Kunnskapsdelen gjev oss den nødvendige bakgrunnsinformasjonen og forståinga 
  for prioriteringar i planen, og mesteparten av innhaldet i kunnskapsdelen er derfor tatt inn 
  i sjølve planen, hovudsakeleg under innsatsområde 1.  
• Temakart naturmiljø skal nyttast i lokal forvalting og arealplanlegging. Naturmiljøa som er 
  teikna inn i kartet er tenkt nytta som omsynssone for naturmiljø i kommuneplanen sin 
  arealdel (KPA). Dette gjerast for å sikre omsynet til viktige naturmiljø og samanhengen 
  mellom disse. 
• Naturheftet viser artar og naturtypar som er særeigne for Stad kommune, og som 
  kommunen meiner har ein stor verdi lokalt. Vi ønskjer derfor å ha eit ekstra fokus på desse 
  artane og naturtypane for å sikre at dei blir forvalta på ein god måte, og skape stoltheit og 
  eigarskap til naturverdiane i kommunen.

Høyringsfrist er 26.oktober 2026.

Les meir om høyringa og send innspel til høyringa

Ønskjer du å bidra? Les om korleis du elles kan bidra i arbeidet med naturmangfaldet i kommunen.