Kven kan få hjelp på Frisklivssentralen? 

Tilbodet er for deg som allereie har utvikla sjukdom eller som har auka risiko for sjukdom.  Frisklivssentralen kan hjelpe deg med å finne aktivitetar og tilbod som passar for deg, setje konkrete mål og gje deg støtte til å gjennomføre det du har planlagt. 
Frisklivssentralen tek utgangspunkt i dine behov og det du ønskjer å oppnå. 

Vi har tilbod som hjelpe deg til å: 
- Bli meir fysisk aktiv
- Få eit sunnare kosthald
- Slutte å snuse eller røykje
- Bli sterkare psykisk 

Kva tilbyr vi? 

Frisklivssentralen vil gje deg veiledning og støtte til å endre levevanar og mestre helseutfordringar. Veiledning og oppfølging foregår både individuelt og i grupper.
I Selje er det to treningsgrupper kvar veke,  den eine er utandørs. På Eid er det ein gruppetime, samt 45 minutt veiledning i apparatsone, på Hamna Aktivitet og Helse.

I tillegg arrangerar vi kvardagsgledekurs to gongar i året (Eid vår og Selje haust). Kvardagsglede handlar om dei små, enkle tinga du kan gjere i din eigen kvardag for å oppleve meistring og glede. 
Gjennom kursdagane vil du få innsikt i fem viktige grep for auka kvardagsglede: å vere oppmerksom, å vere aktiv, fortsett å lære, å knyte band og å gje.

Følg med på frisklivssentralen si Facebookside for mer informasjon om treningstimar, kurs o.l. 
https://www.facebook.com/frisklivssentralenstad/

Opningstid:

Nordfjordeid: Måndag og tysdag kl. 08:00-15:00
Selje: Tysdagar i partalsveker kl. 08:00-15:00

Følg Frivilligsentralen på Facebook for oppdateringer og arrangement.