Mange foreldre synest det er utfordrande å gje barna sine tryggleik og god oppvekst. Foreldrerettleiingskurset Circle of Security (COS), trygghetssirkelen, skal gje foreldre verktøy for å betre forstå kva behov barna har, kva signal dei gir og kva vi kan gjere for å møte desse behova betre.

Målet med kurset

Målet er at barnet ditt skal få hjelp til å kjenne seg trygg og stå sterkare rusta til å møte utfordringar ein møter i livet. Kurset kan også bidra til eit godt samspel mellom deg og barna dine.
 

Påmelding, tid og stad

For påmelding eller spørsmål ta kontakt med helsestasjonen på 951 28 538 eller sende epost til berit.kragseth@stad.kommune.no 
Lurer på om dette kurset er noko for deg? - Ring gjerne og drøft det med oss.

Vi tilbyr gruppekurs to gongar i året med oppstart etter vinterferien og haustferien. Kurset går over 6 kvelder, 1,5-2 timer kvar gang. Kurset er gratis. 

Kursplan Eid helsestasjon haust 2026 (PDF, 246 kB)

Det er mogleg å få COS-P rettleiing utanom kursplan, både på Nordfjordeid og i Selje. Ta kontakt med helsestasjonen om det er ønskeleg. 

I kurset snakker vi om

• Trygghetssirkelen hjelper oss til å sjå kva behov barna har for foreldrestøtte både når dei utforskar verda og når dei opplever vanskelege følelsar.
• "Vere saman" i tryggleikssirkelen. Barn lærer og utviklar seg i samspel med foreldre. Samspelet er grunnleggande for korleis barn utviklar trygg tilknytning følelsesmessig.
• Vegen til tryggleik. Din tilgjengeleegheit som forelder påverkar barnet ditt sin måte å formidle følelsar og behov.
• Vanskelege situasjonar. Vi vil gje dykk som foreldre nokre reiskap til samspel mellom dykk og barna når situasjonan kjem ut av kontroll. Vi ser på balansen mellom det å vere tydeleg og samtidig vere ein god forelder.
• Foreldrene sine eigne erfaringar. Nokre gongar har vi vaksne erfaringar frå eiga fortid som gjer at reaksjonar i notid kan bli "større" enn nødvendig. Vi vil gje dykk nokre reiskapar som kan hjelpe å handtere dette.

Kven kan vere med?

Foreldrerettleiingsskurset er for foreldre med barn mellom 4 månadar og 6 år. Kurset passar for alle foreldre som ønsker å vite meir om barn sine grunnleggande behov og korleis ein kan møte desse. Kurset er særleg anbefalt til småbarnsforeldre, men er også relevant for deg med eldre barn. Du treng ikkje oppleve vanskar med barnet ditt for å ha glede og nytte av kurset.  

Meir info om kurset

COS -  Video, engelsk

   COS (DOCX, 451 kB)- brosjyre

Mål med kurset

I Stad kommune nyttar vi ICDP (International Child Development Programme) som verktøy i arbeidet. ICDP er eit helsefremmande og førebyggjande program med mål om å fremme god omsorg og skape godt samspel mellom vaksne og barn, når verda rundt blir opplevd som usikker.  

Vi oppfordrer alle foreldre med barn til å delta!

​

ICDP huset - Video

   ICDP (DOCX, 239 kB) - brosjyre

Påmelding

Ring helsestasjonen tlf 57 88 58 00, helsesjukepleiaren du har kontakt med eller send epost til britt.aslaug.tomasgard@stad.kommune.no 
Det blir seks-åtte samlingar på 1,5 til 2 timer med inntil 10 personar i kvar gruppe.  

Oppstart haust 2026: 21. oktober 2026 kl. 15.30. Les meir om kurset her. (PDF, 340 kB)

Eid helsestasjon tilbyr ICDP foreldregrupper to gongar i året. Dette er eit gratis lavterskeltilbod for deg som forelder.

I kurset snakkar vi om

Samtale og erfaringsutveksling, oppgåver og refleksjon, du vel sjølv kor mykje du ønskjer å dele i gruppa.

Kven kan vere med

Alle foreldre med barn opptil 18 år.

​Newborn Behavioural Observations (NBO)

Vi ser på kva barnet fortell oss med kropp og uttrykk. Føremålet er å forstå barnet sitt behov og bidra til å utvikle eit godt samspel mellom føresette og barn dei tre første månadene. Dette er ei metode som helsesjukepleiarane brukar på konsultasjonane. 
Eid helsestasjon har 4 helsesjukepleiarar som er sertifiserte på NBO. 

  NBO- Video

​

Barne- og ungdomspsykiatrisk poliklinikk (BUP) er ein del av spesialisthelsetenesta i Helse Førde. Helsesjukepleiar og Jordmor har tett samarbeid med BUP for veiledning og kan drøfte saker med samtykke. Fastlege, helsestasjonslege og barnevern kan henvise til BUP ved behov. 

Nordfjord BUP 

Svangerskapsomsorg er eit samarbeid mellom fastlege og jordmor. Mange vel å gå til jordmor på helsestasjonen. Dersom den gravide treng kontakt med psykolog, kan jordmor kontakte BUP. Ved BUP arbeider psykolog som har lang erfaring med gravide, spe- og småbarn.

De kan ta direkte kontakt med Nordfjord familiekontor på Nordfjordeid. Familiekontoret tilbyr parterapi, familieterapi og mekling ved samlivsbrot. Tilbodet er gratis, og du treng ikkje tilvising. Helsesjukepleiar kan bidra til at de får rask kontakt med familieterapeut ved behov.

Nordfjord familiekontor