Vestland fylkeskommune
Gjennom denne ordninga kan det søkast tilskot til restaurering av verneverdige kulturminne som er prioriterte i kommunen sin kulturminneplan.
Tilskot skal i første rekke nyttast til konkrete vernetiltak på bygningar og anlegg. Det blir ikkje gitt støtte til tiltak på kulturminne i statleg, fylkeskommunalt eller kommunalt eige, tiltak på freda kulturminne eller ordinært vedlikehald og drift.
Det skal nyttast eige søknadsskjema til Stad kommune. Søknadsfristen er 20.12.24
Ta gjerne kontakt med kommunen før du søker. Spørsmål kan rettast til tonje.traedal@stad.kommune.no
Søk tilskot til verna kulturminne i Vestland
Les meir om Vestland fylkeskommunes tilskot til verna kulturminne.
SMIL-midlar
SMIL-ordninga skal mellom anna bidra til å ta vare på natur- og kulturminneverdiane i jordbruket sitt kulturlandskap. Stad kommune deler kvart år ut SMIL-midlar mellom anna til kulturminne. Det er berre føretak som har rett på produksjonstilskot som kan søkja. Søknadsfristen er 01.03.
Ta kontakt med landbruksavdelinga i Stad kommune, og les meir om ordninga for spesielle miljøtiltak i jordbruket og tiltak i beiteområde.
Meir opplysningar og søknadsskjema på Landbruksdirektoratet si nettstad.
UKL-midlar
Til tiltak i utvalde kulturlandskap i jordbruket som bidreg til å sikre verdiar som er knytte til landskap, biologisk mangfald, kulturminne og kulturmiljø, inkludert langsiktig skjøtsel og drift.
Stad kommune forvaltar tilskotsordninga for Utvalde kulturlandskap (UKL) Stadlandet. Tilskotet kan gå til m.a. skjøtselstiltak, informasjon og kulturminne innanfor UKL Stadlandet. Søknadsfrosen er 01.06. Les meir om tilskot til utvalde kulturlandskap i jordbruket.
Norsk kulturminnefond
Kulturminnefondet er ei statleg tilskotsordning retta mot private eigarar av verneverdige kulturminne. Frivillige lag kan òg søkja. Ordninga har løpande søknadsfrist.
Kulturminnefondet har også ei tilskotsordning for strakstiltak for sikring av bygg. Les meir på nettsidene Kulturminnefondet | Vi hjelper private eiere å bevare sine kulturminner.
Ta et tak
Stiftinga Norsk Kulturarv gir tilskot til akutt hjelp ved reparasjon av tak på verneverdige bygningar. Løpande søknadsfrist. Les meir om ordninga “Ta et tak”.