Stad ungdomsråd handsama saka om ungdomens kulturpris for 2025 under sitt møte 24. november. I år var det ikkje kome inn nominasjonar til prisen. Stad ungdomsråd fatta følgande vedtak i saka:

Stad ungdomsråd vel å utsetje fristen for nominasjon til ungdomens kulturpris. Dei vil bruke lokale aviser og kommunen sine eigne kanalar på sosiale media i forsøk på å skaffe kandidatar til prisen. Stad ungdomsråd vil også informere elevråda på skulane med oppmoding om å nominere kandidatar innan ny frist. Stad ungdomsråd ber samfunnsutvalet setje ny nominasjonsfrist.

Samfunnsutvalet tok vedtaket til vitande, og ny frist for å nominere kandidatar vart sett til 16. februar 2026. Saka skal handsamast i Stad ungdomsråd 2. mars 2026 og i Samfunnsutvalet 4. mars 2026. 

Du kan nominere dine kandidatar via dette skjemaet:
 Ungdomens kulturpris  
Merk at du må logge inn med anten bank-ID eller e-post i skjemaet.  

Ungdomens kulturpris

• skal stimulere til vidare satsing, og skal vere med å dekkje utgifter i samband med konkurransar, samlingar, utdanning eller andre oppgåver.
• kan tildelast ein utøvar, delast på fleire kandidatar, ei gruppe av utøvarar eller til ein ungdomsleiar som har oppnådd ein prestasjon, eit resultat eller eit nivå som er utanom det vanlege innan kulturlivet i kommunen.
• skal gjevast til personar eller institusjonar heimehøyrande i Stad kommune. Mottakar av Ungdomens kulturpris må vere under 25 år og må vere busett i Stad kommune. For grupper må gjennomsnittsalderen ikkje vere over 25 år.